Benefit

毛孔水份導入精華（爆水泡泡珠）

多謝Cosme抽中我試用Benefit毛孔護理系列，今次收到3種產品。

首先係毛孔水份導入精華，搽上面嘅質感好特別，有啲一粒粒嘅水珠，慢慢搽開佢就會溶化咗同吸收。一開始搽完會覺得有少少黐，但係好快就會吸收咗，滲入皮膚，用後全面都好補水，更加有光澤。適合乾燥肌。

第二個係滑溜毛孔去角質粉。粉末好幼細，磨擦面部去角質嘅時候唔會好痛，可以自己加水調節，我就鍾意質地綿密d，所以會加多少少水。用後覺得膚色提亮左，肌膚柔滑緊緻左。同其他磨砂去角質產品一樣，用後會覺得有d乾，都要多d補濕。

清潔完面部後用緊緻毛孔睡眠面膜。個面膜有少少味，都可以接受嘅。因為係酸，用嘅時候部份位置有少少乸乸地，如果係面部好敏感嘅人，建議首先喺手背試吓，無問題先再用係面上。用完後等到第二朝早先洗，覺得肌膚有光澤咗，毛孔細緻左，同埋都幾水潤。但都係一開始用完有少少黐，可以接受嘅。