Benefit

毛孔水份導入精華（爆水泡泡珠）

多謝@cosme 今次抽到我試用Benefit the POREfessional PORE CARE毛孔護理系列嘅護膚品

今次試用產品有三樣，分別係毛孔水份導入精華、滑溜毛孔去角質粉、以及緊致毛孔睡眠面膜

我近期嘅膚質係混合偏乾，額頭會出油，面頰、鼻同埋下巴就偏向中性肌膚。由於以前係咁唧黑頭，個鼻同埋面頰中間嘅毛孔比較大

首先係毛孔水份導入精華，官方介紹嘅主要作用係滋潤保濕、撫平毛孔及平滑肌膚，適合早晚使用。
佢有少少花香味，唔會好濃，我個人就OK護膚化妝品有香味嘅。佢嘅質感好特別，精華液入面有啲一粒粒嘅水珠，呢啲珠珠係油性滋養肌膚嘅成份，推開就會慢慢吸收。搽上面係有補水嘅感覺，覺得皮膚滑左啲。一開始會有少少黏立，拍多兩下或者按摩幾下就會吸收。

夜晚用完第二朝會覺得皮膚係水嫩左。同埋本身我鼻頭好容易甩皮，化妝會唔服貼，又kick又浮。暫時用呢個導入精華嘅第二日我都冇甩皮情況，覺得佢補水係work，之後化妝都係貼嘅。
同埋覺得毛孔肉眼睇係有變細，不過就唔肯定會唔會同呢一段時間同時使用其他兩個產品有關係啦

補水精華嚟講佢應該適合大部份膚質，除非係冬天嘅超乾性皮膚，咁就可能直接用返精華油護膚會更好