Benefit

緊緻毛孔睡眠面膜

一到轉季，毛孔容易變得粗大，油脂變多，角質層容易積聚，令皮膚失去光澤。 底妝亦不能夠貼服。

多謝@cosme 俾我遇到benefit 嘅緊緻毛孔睡眠面膜，解決咗我嘅皮膚問題

黃色gel 狀嘅面膜容易推開，但係要夠快手，因為塗抹時間過來嘅話會變得較難均勻。 面膜帶有少少味道，因為始終係酸性嘅產品，但係唔難接受。
剛上面嘅時候有少少吉吉地嘅感覺，但係好快就冇事，亦都冇造成皮膚敏感 。

每晚用喺整個skin care最後嘅嗰一個步驟。只有我建議要30分鐘風乾，但我比較心急，一般都係用風扇仔吹乾佢。完全乾頭後，除咗摸上去有少少笠手，但唔會有殘留喺手上。所以可以好放心咁瞓覺唔會整污糟嘅枕頭。

瞓醒覺之後洗完面，皮膚睇落光澤感變強，毛孔比前一晚明顯收細 咗

配合 埋benefit嘅毛孔水份導入精華同滑溜毛孔去角質粉一齊使用，效果事半功倍。

三樣加埋一齊用咗一個禮拜之後皮膚變得透亮毛孔變得細緻，護膚品亦更加容易吸收 。