Hair Recipe

米糠溫養修護洗髮露 (生薑檸檬香氣)

多謝 @cosme 邀請我試用Hair Recipe髮之食譜嘅米糠溫養修護洗髮露同護髮素。

我哋首先講咗洗髮露先，佢嘅樽身設計獨特，樽身柔軟，容易擠壓。而開口位喺樽身嘅下方，十分user friendly,唔需要擔心用到最後擠唔到出嚟。

洗髮水係透明嘅啫喱狀液體，一擠出嚟就有 生薑同檸檬混合嘅香氣，香氣自然、清新怡人，高級得來又有舒緩神經嘅感覺。

洗髮水加水就好容易起泡，泡泡嘅質感綿密，每次唔需要用好多就已經有起泡作用。

本身我嘅髮質細軟，比較容易甩頭髮，每次洗完頭都會甩好多頭髮，瀏海位置容易出油，但係髮尾就會乾燥。

用完呢隻產品之後，感覺上甩少咗頭髮，瀏海位置喺洗完頭吹乾之後頭髮有蓬鬆、輕盈嘅感覺，唔再油淋淋咁貼晒落個額頭度。但係佢滋潤度非常高，髮尾亦都唔會乾旱，髮尾開叉改善。

睇返資料，原來呢隻洗頭水係特別適合東方人嘅頭髮。因為東方人嘅頭髮嘅角質層比西方人厚1.5倍，呢隻洗頭水擁有滲透力高嘅粟米瓶分子，能夠直達髮芯滋養頭皮，做到亮澤嘅效果。而且佢含有維他命E抵抗外來刺激，修護脆弱嘅髮質。

以下呢兩張相係使用前同使用後嘅對比。
呢個係使用前：
呢個係使用後：

使用前嘅髮尾明顯乾旱，容易開叉，而且髮質比較暗淡。使用10日之後，頭髮豐盈順滑，光澤感強好多。