Dettol 滴露

ProFresh清爽保濕沐浴露(清新柑橘及淡雅橙花)

本身就係滴露沖涼液愛好者🤣一直用開綠色嗰隻松香味，慶幸可以試埋其他味道，所以要認真寫評語！

🍊膚質/膚況 (身體)
夏天正常膚質。冬天會手踭腳踭會乾燥到起沙咁，手腳一樣偏乾。

🍊沖涼習慣及次序
我習慣烏低個身嚟洗頭，先洗頭再洗身體，所以呢個沖涼習慣唔會影響到今次試用沖涼液嘅效果。無論咩季節沖完涼都會即刻搽保濕：夏天用蘆薈啫喱，冬天用厚身嘅lotion。

🍊對沖涼液嘅要求
試用期間正值炎熱天氣，每次返到屋企都出晒汗同黏笠笠。所以期望沖涼液可以做到除臭、抗菌、清爽唔繃緊、維持香味等等。

----------------------------------------------------------------------

用後感
🍊香味、持久度
我本身就勁鍾意啲柑桔橙嘅味道，覺得佢哋好清新同好舒壓 (ฅ´ω`ฅ)

一沖完涼嗰浸橙+西柚香味喺身上係聞得到，屋企人行近少少都聞到我好香。但個人認為香味唔係好維持到好耐，因為訓醒覺好似已經聞唔到浸橙味，好可惜呢。不過浸西柚味係真係好舒服！唔刺鼻同聞完會好放鬆，即使佢last得唔耐，我仍然會繼續用佢沖涼！

🍊除臭、除汗
呢樣係一定做到，宜家未到夏天已經勁熱，出一出去買嘢已經流晒汗。再上我本身係大汗人 + 油肌，所以功效上會更加明顯易見！沖完啲皮膚超舒服超香，冇晒汗味同臭味。

🍊除黏、保濕
除黏方面亦做得相當唔錯，用完皮膚唔會好緊同埋feel到係有少少保濕嘅，而保濕得嚟又唔係嗰種洗唔乾淨搞到留咗層膜喺度嘅感覺。佢平衡到清潔力同保濕嘅效果，唔會過份去油而導致皮膚繃緊。呢點要讚！用完就唔再係嗰個黏笠笠嘅身體，變返做乾爽乾淨嘅我喇！

🍊總結
商品說明嘅效果都有做到:
清爽: 10/10
除黏: 10/10
抗菌: 9/10
持久: 6/10
保濕: 9/10
香味: 1000000000/10 (超級鍾意💕)