INNISFREE

天然能量面膜 - 綠茶

🌱面膜 (美白保濕: 綠茶 + 柚子)
綠色包裝簡潔舒適，睇起嚟好養眼。面膜貼服，行行企企都唔會移位。剪裁適合亞洲人嘅面形，不過我人中位比較短所以上唇位要摺起！
Innisfree嘅面膜精華量超豐富，剩低嘅精華液可以裝滿1.5個隱形眼鏡嘅盒仔，我放咗入雪櫃留返遲啲用嚟搽面！
🌱Before & After (即時效果)
敷完之後明顯感受到即時補水嘅功效。因為宜家轉季喇，我嘅面頰同鼻翼兩側都有乾到甩皮嘅問題。沖完涼皮膚乾到好繃緊，但敷完綠茶面膜之後，皮膚不單止充滿水份，仲有少少降紅添。
🌱Before & After (6日後)
連續6日敷面膜後，我嘅肌膚明顯係唔再缺水，上粉底都冇再卡粉。面上嘅紅印的確係淡咗，我塊面因而亮白咗1度！保濕鎖水效果係100分，乾紋都明顯少咗，亦好持久添。

但係有一樣野要留意‼️
由於本人係混合偏油肌，所以呢set面膜對我嚟講有少少過於水潤，正常呢個季節我應該唔會生暗瘡，而我隨後用嘅護膚品都係好light嘅，但係我呢幾日竟然都出返啲紅色粒粒 (可能係太補！)。理想的話，我應該一星期敷一次面膜就足夠喇，其他肌膚嘅朋友可以再自行調節！