Dettol 滴露

ProFresh清爽保濕沐浴露(玫瑰及白麝香)

🌹膚質/膚況 (身體)
夏天正常膚質。冬天會手踭腳踭會乾燥到起沙咁，手腳一樣偏乾。

🌹沖涼習慣及次序
我習慣烏低個身嚟洗頭，先洗頭再洗身體，所以呢個沖涼習慣唔會影響到今次試用沖涼液嘅效果。無論咩季節沖完涼都會即刻搽保濕：夏天用蘆薈啫喱，冬天用厚身嘅lotion。

🌹對沖涼液嘅要求
試用期間正值炎熱天氣，每次返到屋企都出晒汗同黏笠笠。所以期望沖涼液可以做到除臭、抗菌、清爽唔繃緊等等。

----------------------------------------------------------------------

用後感
🌹香味、持久度
我本身就勁鍾意啲花香同白麝香嘅味道，今次呢個組合喺市面上好少見到，所以好期待！

一沖完涼嗰浸香味喺身上係聞得到，屋企人行近少少都聞到我好香。但個人認為香味唔係維持到好耐，而且白麝香嘅味道唔係好出，感覺俾玫瑰味搶左。呢排天氣熱會開冷氣瞓，冇出汗但瞓醒覺好似已經聞唔到浸花香味，好可惜。不過浸味係真係好舒服！唔刺鼻同聞完會好放鬆，我個人唔係追求持久香味，所以即使佢last得唔耐，我仍然會繼續用佢沖涼！

🌹除臭、除汗
呢樣係一定做到，宜家天氣太熱，出一出去買嘢已經流晒汗。再上我本身係大汗人 + 油肌，所以功效上會更加明顯易見！沖完啲皮膚超舒服超香超乾爽，即刻冇晒汗味同臭味，換嚟嘅係成身花香味！

🌹除黏、保濕
同其他味道一樣，呢隻玫瑰加白麝香味喺除黏方面亦做得相當唔錯，用完皮膚唔會好緊同埋feel到係有少少保濕嘅，而保濕得嚟又唔係嗰種洗唔乾淨搞到留咗層膜喺度嘅感覺。佢平衡到去油同保濕嘅效果，唔會過份去油而導致皮膚繃緊。呢點要讚！用完就唔再係嗰個黏笠笠嘅身體，變返做乾爽乾淨嘅我喇！

🌹總結
商品說明嘅效果都有做到:
清爽: 10/10
除黏: 10/10
抗菌: 9/10
持久: 6/10
保濕: 9/10
香味: 8.5/10 (玫瑰味太出喇🥹)