d program

5X酵母益生元保濕強韌精華

感謝@cosme 抽中我試用呢款「d program 5X 酵母益生元保濕強韌精華」💝

我自己係第一次用d program嘅產品，產品嘅外形設計完全長在我嘅審美觀之上😻流線型嘅瓶身，配搭少女粉紅色，外型超級討好🫶🏻講返product本身嘅功效先，我本人係混合肌偏油，呢排轉季又會容易敏感，所以見到有產品試用都會睇清楚啱唔啱敏感嘅我先～

我平時塊面上咗妝都會透紅，未上妝更加係紅到關公咁。收到product後，我按照建議試用時間，用足10日。

呢段時間我只搽爽膚水 + 「d program 5X 酵母益生元保濕強韌精華」 + 「d program 酵母益生元修復面霜」，咁就試到佢嘅真功夫！的確有紓緩到敏感泛紅問題，咁當然未去到完全唔紅，但肉眼可見係有降紅到嘅！

另外，肌膚狀況變得穩定，係連女同事們都讚我呢排嘅皮膚穩定咗！

我好鍾意「d program 5X 酵母益生元保濕強韌精華」嘅質地輕盈，流動性高，搽上面好易推開，一泵已經足夠搽晒全面～而且吸收得都好快～我下巴嘅角質層比較易堆積，有時都摸到嚡嚡地，但用咗呢支精華後，明顯軟化角質層，好驚喜😻

Overall都幾滿意呢支精華嘅表現，起碼係有功效，雖然都差不多要$300，但對比起好多溫和到冇感嘅韓牌，我會揀呢支囉～