NIVEA

深層潤膚露

感謝@cosme 抽中我試用呢款「NIVEA深層潤膚露」💝

我一直都有用開NIVEA嘅小藍罐，冬天太乾我會直情用嚟搽面，據說係La Mer嘅平替🤭所以一直以來都幾鍾意佢哋嘅產品。

今次嘅深層潤膚露都一如既往咁令我滿意～質地唔會好厚身，推開後變得更水狀，非常容易吸收，唔會黏笠，好清爽！

因為我平時都幾懶幫身體護膚，不過近排轉天氣，肌膚明顯變得乾燥同有細紋，咁啱又收到試用品，馬上好乖每晚沖完涼都搽身～

想話搽完之後個分別係超明顯，可能我平時真係太乾😂搽完之後嘅第二朝，皮膚依然好滑溜，而且乾紋冇晒！

真係估唔到自己啲手腳原來可以咁滑🤣🤣平時真係太懶🫣宜家我keep住每晚都搽，保持細嫩幼滑嘅肌膚～

我最欣賞嘅係，做到咁顯著嘅效果，但價錢超佛心，CP值好高，今個冬天必須人手一支！🤭