OLAY

皙顏袪斑精華液（第3代PROX防斑淡印精華）

好多謝@Cosme嘅試用邀請🥰，試用產品係OLAY 第3代 PROX 防斑淡印精華 。

呢支防斑淡印精華係我用過OLAY產品中最好用嘅一款產品。首先，搽上面之後一點也唔會覺得黐立立，皮膚吸收得好好，連續用咗兩個禮拜，之前一路留落嚟嘅暗瘡印（至少兩三個月 ）已經淡到冇咗！真係超正！

產品質地係乳液，無香味，每次滴管泵一下已經可以擦晒整塊面。

我早晚各用一次，夜晚用嘅效果比早上用嘅效果更加明顯，夜晚用咗之後第二日起身即刻見到皮膚光亮咗，皮膚嘅黑色素減少咗好多！底層嘅皮膚白咗好多，皮膚白到透出嚟，好神奇！之前真係未試過呢個效果，呢支OLAY 第3代 PROX 防斑淡印精華真係起到美白嘅作用，仲比其他嘅美白產品更加好，見到效果更明顯！

未用之前皮膚比較暗黃冇光澤， 試用咗兩個禮拜用咗半支，已經見到皮膚底層嘅黑色素冇咁顯出嚟，皮膚好似白裏透紅嗰種感覺，底層超乾淨，如果連續使用四個禮拜相信效果更加明顯，打算繼續使用同埋會回購，試吓連續使用八個禮拜嘅效果🥰。