OLAY

新生高效緊緻精華乳液

多謝Cosme 邀請試用Olay 新生高效緊緻精華水及精華乳液套裝，收到試用嘅時候竟然係貨裝Size，相當驚喜！

既然係精華「水+乳」組合，當然係要一套試用。精華乳係用pump 唧出嚟，有微微淡花香，唔會太大味道。我每次大概pump 2-3 下，搽全面同頸就剛剛好。

搽咗上面之後係感覺好清爽滋潤，唔會覺得會黏笠，而且吸收都好快，配合按摩手法差不多5分鐘就吸收晒。朝早用完之後開始上妝，覺得個底妝因為皮膚滋潤而貼服咗，全日落嚟都keep到大致上係夠水潤。

試用指引推薦我哋要用2星期，但係我用咗一個星期左右出心得，都覺得皮膚係無咁乾同埋好似白淨咗，至於細紋同乾紋就未見到有改善，可能需要用耐啲先會見效。

總的來說，我都會持續使用同觀察，如果再見效啲就會keep住回購Olay 嘅呢款新生高效緊緻精華「水+乳」組合。