NIVEA

Q10全方位抗糖抗皺雙抗精華

今次好好彩抽中咗，可以試用Q10全方位抗糖抗皺雙抗精華，自從過咗30歲之後，發現臉上多咗乾紋、而且開始出現法令紋同虎紋，而呢啲皺紋真係會令人睇落老咗好多，所以一直都想搵一啲可以抗皺嘅精華做日常護理。

Nivea呢個牌子相信大家都唔陌生，但之前除咗潤膚乳之外真係冇用過佢其他產品，今次試用雙抗精華覺得有啲驚喜。

呢枝精華嘅質地偏濃稠，感覺上比一般嘅精華傑身啲啲，但係又好易推開，同埋都幾快就可以俾皮膚吸收曬。至於味道方面，就係有種淡淡嘅香氣，同Nivea本身嘅潤膚乳嘅香味有啲似。

我本身係敏感肌，皮膚易泛紅，搽咗呢隻精華都唔會特別敏感。

由於只係用咗兩星期左右，睇相未必話會見到好明顯嘅分別，但我自己實際照鏡咁望就覺得法令紋係位置係有減淡到，感覺長期使用嘅效果應該更佳。