BOBBI BROWN

晶鑽漾色盈潤唇膏

好開心今次抽中咗Bobbi Brown唇膏嘅試用。我自己之前其實未試過用Bobbi Brown嘅產品，第一次試用感覺都幾唔錯！

今次試用嘅色號係Nude Mauve 673, 呢隻色係偏冷調嘅玫瑰色，本身我日常少用呢種色調嘅唇膏，估唔到搽上嘴效果又幾好！

本身我唇色偏深，如果薄搽一層就有種搽咗有色潤唇膏嘅自然感，淡妝都用到。搽多兩至三層個玫瑰色就會出曬嚟，有種高雅嘅感覺。

呢款唇膏質地幾水潤，可以唔洗搽潤唇膏打底直接搽上嘴都唔會覺得乾。我有興趣試吓其他色號。