Avene

再生修護精華

本身我自己嘅皮膚屬於偏敏感，容易泛紅，所以日常選擇護膚品都會傾向揀一啲可以防敏感、舒緩抗紅類型嘅產品。今次好幸運抽中咗可以試吓Avene嘅修護精華同舒緩面霜。

先講下精華，呢個精華質地輕盈，好易推開，而且無任何香味，搽上面輕輕一推就可以吸收曬。惟一問題係可能最近天氣太乾燥，呢個精華感覺唔夠保濕力，所以要額外自己再上保濕精華。如果天氣冇咁乾，就可以淨係搽呢枝精華都夠。

再講下面霜，面霜同樣都係冇香味，而且輕盈易推。重點係佢個設計好方便，輕輕一撳就可以擠到啲面霜出嚟，感覺方便又衛生。

我連續十日早晚使用精華加面霜，除保濕外冇用其他精華，感覺每朝起身臉頰嘅泛紅都有減退，效果幾唔錯！自己用完會想回購！