CANVAS

玫瑰高效保濕精華面膜

多謝cosme 讓我可以試用CANVAS玫瑰高效保濕精華面膜。

首先，唔知道係咪因為呢隻面膜有用到奧圖玫瑰香薰油，所以呢隻面膜嘅香味非常濃郁，如果唔鍾意有香薰油味道嘅人可能唔會太鍾意，不過影響不會太大。

另外，呢隻面膜非常多精油。我第一次敷咗面膜之後到第二朝早，用肉眼塊面都係有少少油光嘅感覺，令到皮膚好似好有水光感和光澤感。

而且我第二朝早化妝嘅時候唔會好似之前咁樣會好卡粉， 可能因為皮膚多咗水份和油分，所以令到上妝嘅時候 妝容更貼服。另外呢款面膜嘅質地唔會好薄，所以唔會咁容易爛。


最後，由於呢隻面膜有金盞花，紫草，藥屬葵等呢啲天然成份，所以皮膚敏感嘅人相對可以使用呢隻比較溫和，同埋唔會太有刺激性嘅天然成份面膜。