CANVAS

玫瑰高效保濕精華面膜

多謝@cosme嘅使用邀請 ，有機會試用 玫瑰高效保濕精華面膜。呢款面膜係第一次用，試用效果好滿意👍🏻。

面膜有兩層，一層係保護層，撕落嚟後我用來擦手臂，明顯見到皮膚有一層精油，亦都見到皮膚即時有滋潤嘅效果，但係一啲都唔會覺得好黏好油膩。

敷面的面膜係棉質，剪裁都幾貼面，眼和嘴的位置剪裁有點細，但係整體覆蓋整塊面都不錯，由於有精油嘅成份所以敷咗15分鐘之後面膜紙都未乾晒。

本身我係屬於乾性皮膚，塊面好乾有好多細皺紋又容易出油。要用好高保濕嘅產品。呢款面膜一個星期我用兩次，每次隔兩日再用，意 想不到這每次用完後，皮膚保濕可以維持整個星期！面膜的即時補濕和持續鎖水功效好明顯。

而且每次敷完mask之後，皮膚化妝更加容易，因為皮膚吸收水份之後好飽滿，擦粉底液防曬液同底液好圴匀，都好容易上色，好似同小朋友化妝一樣，皮膚看起來好明亮，水潤飽滿。

因為本身皮膚好乾燥， 面頰位置有些少紅紅地，好似敏感咁，敷咗mask之後呢個位置紅紅地呢個位置即時冇咗，成塊面好白好明亮皮膚吸收得好好，一啲都唔會敏感 。

整體使用效果好滿意，我會繼續購入使用作為皮膚即時救星，雖然價錢有些少略貴，或者大減價嘅時候購入 。