NIVEA

DERMA CARE科研 舒敏修護雙管精萃凝乳

首先感謝@cosme抽中，可以試用NIVEA DERMA CARE 科研系列 - 舒敏修護雙管精萃凝乳。第一次見雙層裝置嘅body lotion，感覺真係幾新奇。樽身背面印有「最佳按壓位置」嘅指示，咁就可以擠出外管同內管最佳比例嘅凝乳液。
本人膚質偏乾，即使唔係喺乾燥嘅秋冬季節，手腳皮膚都會有繃緊嘅情況出現。呢支凝乳擠出嚟，比起一般body lotion更液態一啲，好易就推得開，而且好快就俾皮膚吸收，一啲都唔覺得黏笠。平時搽嘅body lotion我會覺得係油感重啲，而呢支我就覺得水感重啲。搽完之後的確舒緩到皮膚嘅繃緊感，而且亦都keep到一整日。如果好怕黏笠感嘅body lotion，但又想有長效保濕嘅效果，呢支會係一個唔錯嘅選擇。