Avene

再生修護精華

再一次多謝@cosme，今次幸運入選Avène試用活動真係超開心，因為本身都係Avène用家，對Avène產品好有信心，今日試用嘅係再生修護精華同極速舒敏修護霜🥰

前嗰排皮膚不斷反覆敏感，一直都有用開極速舒敏修護霜，敏感發作嘅時候佢真係好幫到手，質地又唔會太笠，如果皮膚好乾，乾到甩哂皮嘅時候我會搽兩層，搽咗上面感覺係好舒服，即時有效保濕鎖水減少乾燥、甩皮，同埋有時如果乾到又紅又痕係即時止到乾癢。
呢枝極速舒敏修護霜仲係市場唯一0%香料、酒精及防腐劑；因採用100%密封包裝設計，革新性「有出冇入唧咀」，確保空氣及細菌不會污染護膚成份，令敏感肌、脆弱肌能安心使用、不用擔心受外來物刺激而引起敏感，敏感肌可以超級放心使用！

至於再生修護精華，呢個係Avène新出嘅product，主打修復肌膚屏障，仲好適合喺做完醫美療程後使用。
佢嘅質地好清爽唔黏笠，搽上面好快就吸收，所以可以先用呢枝精華打底，再疊加其他精華。

我試用咗再生修護精華同極速舒敏修護霜大概兩星期，由於呢排面部皮膚狀況都比較穩定冇咩點敏感，所以用喺面上冇太大感覺，但我隻手有可能洗手洗得多，有個位置不斷反覆敏感，搽咗再生修護精華同極速舒敏修護霜嘅即時效果係冇咁乾癢唔舒服，大概一兩日後情況就有明顯改善，事實證明效果真係唔錯，日後一定會考慮回購😊