Hair Recipe

生薑清茶洗髮露

多謝@cosme 俾咗個機會我做今次 Hair Recipe 生薑清茶洗髮露嘅試用專員。

先講下我本身髮質先，我本身有染髮，而且有漂髮所以髮質本身有少許乾旱，但未去到頭髮開叉，加上因為頭髮比較厚，所以每次洗完頭都甩好多頭髮。
今次用咗呢隻生薑清茶洗髮露一個星期左右，洗髮露質地唔係太油，而且非常容易起泡，搽咗上頭之後有驚喜，因為佢嘅香味好舒服，而且唔知係咪因為生薑嘅關係會有少少涼浸浸，不過並唔係涼到好辣頭皮嗰隻，非常溫和嘅清涼洗完頭之後好舒服。
一開始有提到我有漂頭髮，本來都有少少擔心呢隻洗頭水唔夠滋潤，會驚洗完有啲乾，點知佢又冇喎！洗完頭髮冇打撠，係有少少乾爽，只要洗完頭之後配合返護髮素同髮尾油簡單護理就好足夠。用完一星期之後我覺得頭髮係甩少咗，洗完頭同埋梳頭嘅時候特別明顯。

結論係我都幾鍾意呢隻洗髮水🤭