BOBBI BROWN

晶鑽漾色盈潤唇膏

先講外型。設計好有高級感，略帶公主風，明顯同開架品牌有分別。


再講質地。一上嘴令我十分驚訝，我從未用過有色唇膏如此滋潤幼軟，即使薄塗一層，都好似塗上厚厚嘅潤唇膏。 最重要嘅係，佢滋潤得嚟唔會黏嘴，唔會好油，感覺好舒服。我用嘅時候下嘴唇有少少死皮，搽完即刻無咁明顯，唇紋都淡左。 另外，佢有種好淡好淡嘅香味，但一d都唔人工，我諗應該係來自荷荷巴油同藏紅花成份。

上嘴效果。
我揀嘅色號係681 Nude Petal. 顏色自然得嚟有血色感，好顯白。我皮膚唔白，呢隻顏色應該白皮黃皮都啱，好推介比選擇困難嘅你。一塗上嘴肉眼可見有少少閃亮感，嘴唇即刻有光澤同飽滿左。佢顏色好自然，就算無化妝用都唔會太大妝感，適合日常搽/唔鍾意誇張嘅人。我覺得做打底都好適合。 持久度方面，佢會沾杯唔鎖色，但唔會甩哂色，滋潤感亦last 得耐。薄塗一層已經好顯色，適合日常/打底，厚塗更有妝感同plump效果。

呢支bobbi brown Extra Color Shine 我會推介比所有嘴唇乾，鍾意自然妝感嘅女仔。