ARMANI Beauty

Power Fabric Pro 專業柔霧持妝粉底液

多謝 @cosme 比我有機會試用 Power Fabric+ 升級版零瑕持久粉底液，見介紹話佢做到全日抗油持妝嘅柔霧感好期待效果。今次試用1.75，顏色都幾自然，唧出來係好順滑嘅慕斯質地，都有啲擔心會唔會好厚重。上手好易推開，質地變得輕盈左，睇落遮瑕度都唔錯。

本身塊面T字部位好易出油，返工出街不時要補妝，有斑、間中泛紅，最近面頰位會乾燥難上妝。做好基本補濕之後上左薄薄一層粉底液，係面上順滑易推，遮到大部分斑同毛孔，睇落皮膚好左好多。

成日無補妝嘅情況下，有小小脫妝，但無特別浮現卡粉，做到基本遮瑕效果，T字部位出油情況都有改善，成日帶妝都唔會覺得帶住層面具咁厚重。整體來講好適合油性肌膚使用，如果混合或者偏乾就一定要做好補濕先上粉底。