LANCÔME

淨澈亮肌精華水 (第二代極光水)

首先多謝 @cosme 比我有機會試用 Lancome Génifique 逆時小黑瓶同第二代淨澈亮肌精華水，之前無用過小黑瓶，所以對今次試用都非常期待。

最近天氣又焗又熱，成日坐冷氣房令皮膚乾燥又容易泛油。我跟足試用指引，先用逆時小黑瓶，質感係水狀嘅精華，好清爽，無特別濃郁嘅香味，感覺比較天然唔刺激皮膚，每晚護膚用左幾日，感覺佢保濕效果好好，平時塗完眼霜都仍然會有啲眼周乾紋，用完小黑瓶感覺少左乾紋，值得一讚！

之後幾日配合埋第二代極光水一齊用，極光水同樣係較清爽嘅水狀質地，好適合悶熱嘅夏天試用，對肌膚無咁大負擔，又唔會痴笠笠，用落覺得皮膚狀況持續地好緊，就算一整日係冷氣房，都唔會覺得皮膚乾燥緊繃或者泛油嚴重，整體使用感相當唔錯。