SK-II

護膚精華 (神仙水)

好多謝被@cosme抽中試用SK-II既護膚精華(神仙水)
.
一直都有聽過神仙水但今次真係第一次試用, 最記得既就係當時廣告話神仙水其中一個成份(PITERA)係由日本釀酒過程中再深入研究出黎既, 令我印象好深刻。
.
我手上依支神仙水既外型係佢地最經典既磨砂透明瓶身加上銀色蓋, 依個造型我相信任何一個有用護膚品既男女都會一眼就認得係神仙水。 神仙水近乎無味道, 係有少少發酵既味道。

瓶口望落唔細, 但倒出黎每次只可以倒到少量, 不過咁樣就比較可以控制好份量。

我都係倒2,3滴係掌心, 再雙手合十將神仙水搓揉均勻再輕輕按壓上臉, 如果唔夠會再次倒出神仙水按壓上面, 之後再係臉上輕拍等佢地完全吸收。

質地係水狀, 所以吸收時間好快, 清爽不黏膩, 唔洗慢慢等佢吸收。 本身我皮膚面頰都有少少敏感有紅印同生左粒粒, 鼻既兩旁毛孔都比較明顯。

試左左14日神仙水之後, 發現自己皮膚係肉眼可見既透亮同白左, 紅印同粒粒有減淡, 膚色都比之前均勻左, 毛孔方面都收細左, 肌膚都比之前水潤。

相信如果長期使用效果一定會比而家更明顯, 不過就係價錢比較貴, 但佢每日用既份量其實都唔多, 一支都可以用好長時間, 最重要係有明顯既效果, 我會繼續選用神仙水。