SK-II

護膚精華 (神仙水)

感謝@cosme 邀請試用SK-II神仙水🫶🏻 終於試用到傳說中的神仙水，真系細細個就聽過哩個名😂 果然不愧為「神仙水」夠「神」呀！岩岩去完旅行返黎就收到，時間剛剛好！去旅行日日化妝又唔夠瞓，皮膚狀態差，泛紅又生粒粒，但系用左三日神仙水之後皮膚已經有明顯改善，最驚喜嘅係毛孔都明顯地收細左😳 無諗過用幾日已經有咁明顯嘅效果！每個月係生理期時間都一定會生一粒大毒瘡，今次竟然無生暗瘡，原來神仙水獨有嘅PITERA成分都可以有效地穩定膚質！另外，皮膚唔只係白淨咗，係亮白咗！無左個陣黃氣呀！
（哩三個星期特登無用任何美白精華，都系保濕為主的護膚品）
📌亮白📌收毛孔📌穩定膚況📌水潤好吸收📌夠保濕
應該係大部分人用護膚品希望可以得到嘅效果～ 唯一要講嘅缺點就係價錢唔夠可愛🫣 但係佢獨有嘅專利技術成分，其實已經值得哩個價錢，同埋睇返個用量160ml應該可以用到4個月左右。

結論係雖然佢價錢唔可愛，但係效果真系無得輸呀，難怪「神仙水」地位一直屹立不倒 ！所以我用完之後都會回購🥰 （睇返使用前後嘅相，真係好誇張！我諗唔到唔回購嘅理由🙈）