SK-II

護膚精華 (神仙水)

好開心同感謝收到@cosme嘅邀請，試用SKII 護膚精華，亦即係大家都知嘅神仙水。今次收到嘅係160ml裝，試用了14日來評價一下💕其實SKII呢個名細細個就聽到而家，一直都係心目中好尊貴嘅日本品牌，不過因為價錢都幾貴一直都唔係好捨得買，所以今次收到邀請，拆開嗰下真係又驚喜又開心！

我用法係一日用兩次，係洗面同後，搽精華之前使用，官方建議每次使用2至3滴係手心推均再上塊面嘅，我有時貪心就會用多少少，或者步驟重複幾次。

神仙水睇落有少少泛黃嘅顏色，不過倒出嚟係透明色嘅，質感非常之流動，同水差唔多。質感好清爽，好快就吸收晒，零粘零油膩感，上面冇刺激皮膚嘅感覺，幾溫和，亦都冇乜特別嘅味道。

我自己本身屬混合性偏油皮膚，而且偶然會有敏感問題，皮膚唔平滑，亦有毛孔粗大嘅問題。神仙水標明無酒精，但係有一陣怪怪地嘅味，但我個人黎講都可以接受到。我皮膚用完有少許泛紅，不過好快消散，都可以安心使用。

經過咁多早晚使用之後，皮膚有改善左啲。毛孔細左少少，水油平衡，皮膚感覺透亮左，以咁短時間黎講都幾滿意🥰相信堅持用耐啲效果會更加好👍