SK-II

護膚精華 (神仙水)

鼎鼎大名嘅SK-II 神仙水由細到大聽得多，今次終於有機會一試。
本身係混合肌，雖然膚況算穩定唔會經常生暗瘡，但步入30歲之後皮膚亦都開始出現暗沉無光、色斑加深等問題。磨砂玻璃瓶身簡緻，倒出嘅精華呈透明水狀，流動性高，味道有少少似發酵嘅怪味，但尚可接受。
直接倒3-4滴落掌心，再用手輕輕按壓上臉。質地清爽唔黏膩，亦吸收得好快，肌膚有保濕滋潤嘅感覺。

第一晚用完，第二朝起身，塊面真係有肉眼可見飲飽水嘅光澤感，係第一次用新護膚品有咁驚喜嘅效果！而啱啱喺轉季開始乾燥，連續試用咗兩個禮拜之後，可以見到膚色亮白咗，毛孔亦更緊緻咗。之後會繼續用，並試一試濕敷效果。