SK-II

護膚精華 (神仙水)

好多謝cosme比左呢次試用機會我呀，本身自己其實有用緊，亦有買過正裝230ml，可以話斷斷續續咁有用開神仙水，但因為個人護膚品選擇太多啦，斷斷續續咁冇連續性咁用完神仙水，老實講，皮膚個感覺分別唔大，但今次因為要試用，需要乖乖連續用14日，我就真係停晒其他精華，剩係用sk2睇下會有咩效果！

個結果真係好驚喜！！ 睇下對比圖d毛孔就知，我係用iphone13pro前鏡頭，對到勁近咁樣影相，正常社交距離當然唔會睇到咁誇張，話毛孔咁快細左真係誇張左，但feel到整體細緻左，同有光澤左，晶瑩剔透呢4個字真係冇呃人！

用之前一直有毛孔粗大，暗沉嘅問題，但連續用14日真係令皮膚有返光澤，好驚喜！

質地係水狀，用手輕拍上臉，我會拍完一層等吸收左再拍多層，吸引速度好快，亦唔會覺得厚重，然後加個面霜真係好舒服！

同埋個用量其實好省，我目測依我呢14日用嘅量，一支75ml應該可以用2-2個半月，真係好值得！我會keep住繼續用，期待神仙水帶比我嘅轉變！