SK-II

護膚精華 (神仙水)

感謝@cosme Hong Kong令我有機會參與SK-II神仙水的試用。

原來我一直以來對神仙水的使用都有誤解，認為神仙水是Toner，更因效果出色，所以被讚賞為神仙水。原來SK-II神仙水係精華液，應該是要在Toner後使用的，咁先可以令佢發揮佢嘅強大功效。

既然叫得神仙水，佢嘅質地水潤，不黏膩，所以倒在掌心使用時，要小心滴漏呀！每次潔面塗上爽膚水後，用大約5元份量的神仙水，倒在掌心，再輕拍上面頰，額頭，下巴，直至全面吸收，然後再塗抹其他護膚品。

我係一個混合肌媽媽，常熬夜，面頰乾，T位油，毛孔粗大，面色暗啞，有細紋，角質容易積聚，極度容易浮粉，總之皮膚問題一籮籮😔😔。令我意想不到，短短兩星期，SK-II神仙水已經令我看到自己皮膚的改善。

未使用神仙水前，每天早上起床，我都覺得有一層臉油，油亮亮的，很討厭。但用上神仙水後，我發覺臉油減少了，醒來再沒有看到那鼻頭上的一點點油光，毛孔也好似縮小咗，細紋都無咁明顯。除了毛孔細咗，面色也通透咗，沒有之前咁暗啞。

近排仲要天氣轉得好快，冬天一時20幾30度，一時又10度以下，以前我啲皮膚會泛紅，鼻翼位甩皮，估唔到用咗神仙水，連呢種情況都改善埋。原來神仙水中仲可以調理膚質，穩定皮膚狀況。

講到咁，我就梗係決定咗SK-II神仙水會繼續在我化妝枱上出現啦，做到咁多效果，唔係唔用嘛！