SK-II

護膚精華 (神仙水)

好開心同感謝今次@cosme抽中咗我，比到今次「SK-II神仙水」嘅神奇體驗比我🥰🙏🏻

首先，想從佢嘅包裝講起。紅盒子高高貴貴的，而主角嚟喇，係磨砂面嘅玻璃樽身又帶有重量，攞上手嘅手感非常之好！充滿貴婦嘅味道🫦！
佢主要嘅功效係補充水份、調理膚質、穩定+維持肌膚健康嘅狀況、收細毛孔、均勻膚色、提升皮膚光澤感。
一倒出嚟已經散發住陣陣嘅酵母味道，個人覺得第一次聞到，好似有點不好聞嘅氣味。不過，當然係佢天然 嘅發酵味道啦，唔係香料味😀！

我試用嘅過程為期係18日左右～
本身試用之前個陣，我係成個下巴都爆晒暗瘡，仲有粒係特別大係面頰位置，又紅又腫又凸起晒，同埋都有開始毛孔粗大嘅問題。

試用咗十幾日之後，都明顯見到啲暗瘡係相對地冇咁紅同腫，起左褪紅&消腫嘅作用，有點驚喜😚😚！
不過，毛孔粗大嘅問題仍然有待改善，始終都係用咗十幾日，無可能係十幾日內就會即刻脫胎換骨，零毛孔咁架嘛～
總括而言，都係一個 唔錯嘅product +值得一試！我會繼續用埋落去，觀察下皮膚嘅變化🧏🏻‍♀️🧏🏻‍♀️