CANMAKE TOKYO

夢幻胭脂膏

感謝@cosme 抽中我試用canmake嘅Cream Cheek 夢幻胭脂膏系列，22 號色Mikan Sorbet 蜜柑雪葩。

首先，在外觀方面，canmake 嘅彩妝產品設計風格一向都係行可愛少女、夢幻路線，而且又小巧輕便，方便攜帶，如果想 拎出街補色都冇問題！

試用咗幾日，呢盒胭脂膏出色嘅地方係個色調好靚，係接近珊瑚橙色，而且帶有少少閃粉珠光效果，俾人一種夏天，好可愛、有活力嘅感覺！

另外，佢嘅膏狀質地係偏水潤光滑，好絲滑而且容易推開！真係會令到整個妝容都增加到血色感！

但係我發現如果出街全日就未必keep到色，可能因為出油嘅關係，會較容易脫色，不過都需要視乎底妝定妝嘅情況而定，可能用粉撲上色會好啲！