CANMAKE TOKYO

美人魚防曬啫喱底霜 SPF50+ PA++++

話咁快就到年末，每年聖誕節天氣都凍，而我覺得聖誕妝容一定唔可以缺少嘅就係一隻好用嘅妝前底霜，如果加埋防曬嘅話就更加好，所以今次要推介嘅係CANMAKE嘅美人魚防曬啫喱底霜！

呢款底霜好hit，有SPF 50+ PA++++，當中我最欣賞係佢有唔同嘅顏色俾你揀。除咗基本嘅透明同埋白色之外，仲有薄荷綠色、黃色同埋紫色，唔同顏色有唔同嘅功效：

「C01 CICA 薄荷綠色 積雪草葉萃取配方
修正泛紅、暗沉膚色，提升肌膚透明感。
C02 Sunny Yellow 日光黃 : 修正膚色暗沉和均勻膚色
最新 No.C03 Pure Purple 純真紫 : 紫色調有助改善泛黃和暗沉問題。」

所以呢款妝前底霜除咗可以做防曬之外，喺妝前搽完可以均勻膚色、仲同時可以用作護膚。雖然佢係水感啫喱狀，但一喺肌膚推開就會變水狀質地。

個人覺得唔同顏色都係有效修正泛紅同暗沉膚色，單用都起碼望落精神啲！