Kiehl's

醫學維C淡斑精華

曾經係半年內用哂四枝50mL 每日早晚搽全臉同埋頸
本身用嗰陣都唔覺得有變白
點知用完之後冇用半年 塊面慢慢變番黑左 先至發現原來支美白精華係咁有用🤯

佢嘅質地係美白精華入邊偏潤 偏保濕 我係混合偏乾皮膚 好啱我用 甚至可以當係保濕精華咁樣用
就算吸收完皮膚表面都會有少少笠笠地 有層膜嘅感覺 個人覺得接受得到 因為平時出街都會化妝or用碎粉/素顏粉
但如果習慣搽完護膚品就戴口罩出街嘅人 可能需要斟酌一下 因為真係會痴笠笠嘅感覺

佢同一般嘅美白精華唔一樣 用透明樽裝 而唔係深啡色樽 證明佢嘅成份係穩定啲 唔怕太陽曬到變質
最驚啲美白精華尤其是含有維他命C果啲 搽完之後 需要搽防曬 如果唔係塊面會更加黑 呢一支成份穩定 就唔怕有呢一個問題

專門店購買可以有生日雙倍 積分 積分仲可以換貨裝嘅產品 每個月仲可以拎sample 其實幾抵

佢有一個小小缺點係用到最後嗰幾滴個dropper會擠唔到出嚟 要自己倒轉倒落手 不過呢個缺點係所有用呢個包裝嘅精華都會有嘅缺點lol 所以都正常啦