Kiehl's

醫學維C淡斑精華

好開心收到來自@Cosme嘅試用邀請😊

今次試用嘅係Kiehl’s的醫學維C淡斑精華 (安白精華) 15ml

我嘅膚質係混合性偏乾，有膚色不均及少量雀斑。一開始我有啲擔心維C精華上臉後膚感偏乾同會有刺激感，但依支精華嘅質地偏水潤同好易推開。聞落有淡淡嘅檸檬味，上臉後亦吸收得好快，用落膚感好溫和。

目前試用左大概12日，我每晚用大約2滴已足夠搽全臉。不得不讚係Kiehl’s 依支精華嘅滴管好好用，好易吸到精華上去同每次都唔會釋出過量。對於本身膚色不均及少量雀斑嘅情況，短短12日係未足以令雀斑減淡，但係皮膚有比未使用前透亮左。不過比起膚色透亮，更驚喜係皮膚平滑左好多。

總括個人感受而言，短期效果係皮膚平滑細緻效果最明顯，其次係透亮效果。而減淡雀斑或需長期使用先有明顯效果，拭目以待😊。