b.glen

長效防曬水潤肌精華

非常感謝@Cosme的試用邀請，令我可以參與是次試用活動。
今次收到嘅產品係：
1️⃣ b.glen 礦泥潔面乳 150g
2️⃣ b.glen 長效防曬水潤肌精華 60g

之前我從未用過b.glen的產品，好開心有今次嘅契機去試用。今次兩款產品都連續使用咗10日。

夏天最重要嘅產品一定係防曬，我係無論待在家中或外出都會使用防曬嘅人，咁多年嚟用咗好多唔同牌子嘅防曬。而用於臉上嘅防曬，我最注重嘅一定要高防曬系數。其次係唔塞毛孔、質地易推開，仲有唔會用後續上妝時起擦子膠碎。

今次用咗b.glen 長效防曬水潤肌精華，質地輕盈易推，上完防曬唔會泛白，之後再上妝都唔會起擦子膠碎。

我是混合性偏乾嘅膚質，上妝後會覺得皮膚較乾易有乾紋，但因為b.glen 長效防曬水潤肌精華好保濕，即使我出左成日街，我嘅妝容依然保持得好好。

而最重要係b.glen 長效防曬水潤肌精華係高防曬系數（SPF50+ PA+++ ），出咗街成日都無曬黑。另外，我用左十日都無塞毛孔，非常推薦！

總而言之，b.glen 長效防曬水潤肌精華係一款優秀嘅防曬產品，高防曬系數又保濕。