CANMAKE TOKYO 好用推薦產品
CANMAKE TOKYO 眼影 推薦產品一覽 33 件
FishFish好用推薦：【Canmake臥蠶盤01 測評】✨ 想化日系無辜眼、漲卜卜臥蠶？Canmake呢款「亮瞳眼影」嘅01號色，被好多日本妹封為「淚袋神器」！等我同大家詳細試清楚～ 🔍 包裝 & 配色 細細盒開架眼影，附有雙頭小掃（海綿頭+扁刷頭）。01號色係粉米色系，有四格： · 左上：提亮閃粉色（主臥蠶色） · 右上：柔和珠光米（打亮眼頭） · 左下：陰影淺棕色（畫臥蠶線） · 右下：深邃啡紅（可當眼影主色） ✅ 優點 · 臥蠶立體自然：左上閃粉極細，冇大亮片，點上去似皮膚自然透出嘅光澤感，唔會太誇張。配左下陰影色畫條陰影線，臥蠶即刻脹起，新手都唔會變「眼袋」。 · 粉質滑溜貼膚：用手指上色最靚，粉體好貼眼皮，唔會飛粉跌到面上。 · 一盒多用：左上打亮淚袋／眼頭／眉骨，右下兩格可化溫柔眼影，出街帶一盒搞掂。 ❌ 缺點 · 閃粉持久度一般：油眼人帶妝半日後，臥蠶閃粉會變淡，需要補一補。不過呢個係日系清透妝感嘅共通點。 · 陰影色要輕輕手：左下嗰格偏濃，新手一筆落重手會變黑線，建議用扁刷「掂一下」再掃開。 · 工具唔夠順手：跟盒支海綿棒偏硬，化臥蠶線用自己嘅斜角眼線刷更易控制。 💰 價錢：約
<看全文>Yty好用推薦：Canmake 臥蠶盤 #01 Apricot Plump 以前用打亮或亮片畫臥蠶，總是顯髒又突兀。直到入手了 Canmake 這盤 01 號色，才發現原來櫻花妹那種飽滿、乾淨、像掐得出水一樣的臥蠶，是用這盤畫出來的！ ✨ 3個無法被取代的好處： 神仙霧面提亮，拒絕假大亮： 這盤最厲害的是左上角的霧面提亮色。上粉底後塗在淚溝處，原本凹陷的眼袋瞬間嘭起來，是非常自然、完全沒有粉感的「媽生感臥蠶」，偽素顏必備。 01 杏桃色調，黃皮的命定色： 有些臥蠶盤太粉會像過敏，但 01 號是帶著暖調的杏桃裸粉。抹在眼下非常融入亞洲人的膚色，不會泛白，反而能襯得眼神很溫柔、很有無辜感。 一盤搞定「澎潤、陰影、心機閃」： 雖然小小一盤，但分工很細。霧面提亮、保濕微閃、還有那個極度自然的淡棕色陰影格（畫臥蠶陰影完全不顯髒），用它附帶的刷子隨手畫，30秒就能搞定一雙會笑的眼睛。 💬總結： 整盤沒有廢色，粉質以開架來說非常細緻、不顯眼紋。如果你是眼下扁平、有淚溝困擾，或者想畫出日系無辜大眼，這盤 01 號絕對能盲買！ #「日系彩妝」
<看全文>
Emily Leung好用推薦：Canmake 完美幻變八色眼影盤 #01 詳細使用心得 Canmake呢個八色眼影盤系列，最大賣點係一盒有齊八個色，由打底、主色到眼線、打亮都包辦，細細盒方便攜帶。今次講嘅係#01 柔情粉棕，係呢個系列嘅長青人氣色號。 1. 包裝與外表 塑膠外殼，有內附雙頭小刷。外觀幾靚，透明蓋上面有壓花。不過細細盒但係有啲厚度，唔算超薄。用耐咗透明蓋邊位有機會裂，要溫柔啲對佢。 2. 粉質同顯色度（最重要嘅部分） 日系開架眼影通常走「清透自然」路線，Canmake呢盤都一樣。 · 粉質細滑度：以呢個價位（約HK$80-100）嚟講算幾好，用手指上比用刷好。摸落有少少濕潤感，唔會乾到飛粉。但中間幾格閃片色用刷上會有輕微飛粉，用手指壓會好啲。 · 顯色度：唔高，偏向「透」同「薄」。想見到明顯顏色要疊擦兩三層。好處係新手點畫都好難失手，唔會一下變熊貓眼；壞處係如果你膚色較深，或追求濃烈歐美妝感，呢盤會顯得太過清淡。 · 閃片質感：有幾格係珠光，有幾格係小閃片，閃粉唔大粒，屬於細緻低調嘅光澤，唔誇張，返工返學用都自然，但如果你要大型閃片就唔啱呢盒。 3. 八隻色詳細分析（由左上至右下排列） ·
<看全文>Myonlyone好用推薦：Canmake八色眼影01 用後真心話 呢盤嘢我買咗差不多半年，日日返工都用，用到而家已經見到鐵皮，你就知我幾鍾意佢。Canmake呢個八色盤01號係「永恆經典」嗰種色——米色、奶茶、粉棕、深啡，全部都係老實色，冇一粒係用唔着嘅。對於我呢種朝早趕住出門口、唔想諗嘢嘅人嚟講，一盤搞掂成個眼妝，唔使左揀右揀，呢點已經贏晒。 先講粉質。以開架嚟講算好滑，唔會一捽就飛粉飛到成面都係，但你要話佢媲美專櫃就誇張咗。啞色嗰幾格壓得實，上眼顯色度中等，要好用力先會出事，反而啱晒手殘黨——慢慢疊加，唔會一嘢就變熊貓眼。珠光嗰兩格好幼細，係日系嗰種「似有若無」嘅水光感，唔會閃到似disco波。不過要彈一句：最淺嗰格打底色有啲太淡，黃皮上眼幾乎睇唔出，我通常直接用第二格做打底。 配色方面真係冇得輸。左上角淺米打底、中間粉棕做主色、右邊深啡畫眼尾，下面幾格可以玩吓奶茶色或者加少少珠光喺眼頭，一盤可以由朝早返工畫到夜晚岀街食飯。我最常用嘅畫法係：第二格掃勻眼窩、第四格疊喺雙眼皮位、最深嗰格用扁平掃畫眼尾三角，最後用手指點少少珠光喺眼頭。五分鐘搞掂，唔使諗。 持妝力就要老實講：我係混合肌，眼皮唔算好油，夏天
<看全文>
jhope0725好用推薦：Canmake 嘅眼影買過好多次，不過當中都係最喜歡呢款好似梳乎厘質地嘅眼影系列！ 最欣賞係佢嘅產品質地。我覺得佢同眼影膏非常接近，又似眼影霜咁，摸落好滑好幼好易推，帶輕柔感、同時用少少已經非常顯色！有點兒出乎意料，開架品牌可以做到咁高質素嘅效果，甚至可以媲美尊貴嘅眼影霜呢！  而且由於佢嘅質地似膏狀，同眼睛嘅貼合都好高，唔會好容易飛粉，搞到成個妝容花晒。另外由於皮膚有體溫，好容易將眼影融為一體，唔需要用眼影掃來回掃都可以好柔和！淨用手指都blend到，去旅行就最方便~帶少d工具都ok 圖中使用嘅係02號色號~ 呢盒眼影嘅持久度亦都非常唔錯，相信都係由於產品質地透薄，唔需要用好多層都已經顯色，所以冇咁容易出現眼影粉堆積嘅情況。化完妝後五至6小時都可以維持到妝容效果不變。 一盒配色齊全，有齊光影、主色調同陰影顏色，深淺顏色配搭相當明顯。眼底臥蠶、眼眉加深輪廓都做到晒。 尤其是係眼尾嘅陰影顏色，我特別喜歡，因為小麥色肌膚就係要透過眼尾加深顏色，拉遠眼嘅距離同埋突顯眼部輪廓！心水造型容易Get ！ 不過盒中冇附帶鏡子，如果要帶出街補妝嘅朋友就要留意了~
<看全文>Sejeong好用推薦：Canmake絲滑梳乎厘眼影02用後感：溫柔奶茶色，新手都搞得掂！ 最近入手咗Canmake呢盒絲滑梳乎厘眼影02號色，真係忍唔住要同大家分享一下！講真，Canmake出品不嬲都係平靚正嘅代表，今次呢盒都冇令我失望。 包裝外觀 先講包裝，一如既往都係Canmake嗰種簡約可愛風，細細盒好方便攜帶。透明膠蓋可以一眼睇到入面嘅顏色，02號係偏奶茶棕色調，望落好溫柔好日常，一睇就知係嗰種「唔會出錯」嘅色系。 質地同顯色度 官方叫「絲滑梳乎厘」，個名真係冇改錯。用手指捽落去，質地真係好軟糯，有種慕斯嘅感覺，唔會飛粉。顯色度方面，日系眼影不嬲都偏清淡，呢盒都唔例外，但係可以疊加，想淡妝定濃啲都得，對新手嚟講好友善，唔怕一落手就太重。 上眼效果 02號色係以奶茶棕為主調，帶少少暖調，上眼之後好自然，有種偽素顏嘅感覺。左上角嗰格係帶少少珠光嘅打底色，捽上眼瞼即刻精神晒；右上係主色，掃喺眼窩位好溫柔；左下係加深色，用嚟畫眼尾三角位一流；右下係最閃嘅珠光色，點喺眼頭同臥蠶位，成對眼即刻亮晒！ 持久度 我係混合偏油肌，眼皮都有少少出油。實測咗一日，朝早八點化完，到下午三四點左右，眼影都仲喺
<看全文>
son son好用推薦：賣點：附小鏡、附眉粉眉掃、有教學圖示新手友好、粉質細緻 首先要力讚吓呢盒眼影嘅配置先： 附小鏡：出街想補妝唔需要擔心唔記得帶小鏡，眼影盒入面已經有了。 附眉粉眉掃：其中一隻眼色係眉妝用，附上嘅小掃一邊係眼影掃，另一邊係眉掃，眼妝同眉妝可以一盒搞掂，非常貼心！ 有教學圖示：新手使用唔需要擔心唔知邊隻色搽喺咩位置，眼影盒背面有教學圖示，一睇就明，絕對新手友好！ 入手呢盒08色號，啡紅色調，佢係霧面眼影、零閃粉。粉質以開架品牌嚟講算幾細緻，冇飛粉問題，上妝非常貼服。配色容易carry日常使用絕對冇問題，右上格偏粉紅嘅主調帶日系感覺，絕對係化妝袋入面必備嘅一盒百搭眼影！
<看全文>Kitty 好用推薦：Canmake完美幻變眼影真心係平靚正之選！🤎 一盒有齊5隻色，由淺到深嘅同色系啡調，點襯都唔會出事，絕對係我嘅無限回購第一名！👑 化妝新手最怕嘅配色問題，Canmake直頭喺盒背印埋教學，跟住搽就搞掂，真係手殘都識化！😭 而且佢配色係大地色系唔會太浮誇，無論返工、返學定約會都得。趕時間用手指捽兩捽已經化到個自然妝！除咗眼影，仲可以當眉粉同眼線用，成個妝容色調超和諧，帶一盒出街就搞掂晒！ 粉質幼滑顯色度啱啱好。粉質好幼細貼服，顯色度中等，新手唔怕一下變熊貓眼，慢慢疊加到滿意為止。呢款幾乎全霧面設計，冇bling bling閃粉，對內雙或腫眼皮超友好，搽完對眼即刻立體晒！ 呢盤性價比極高，價錢親民，細細盒又方便補妝，持久度唔錯，大夏天8個鐘都冇問題。真心誠意推薦俾所有想搵盤唔洗用腦、點襯都靚嘅眼影嘅朋友，Canmake完美幻變眼影絕對唔會令你失望！🥰
<看全文>
Fng好用推薦：CANMAKE 城市之光單色眼影 02 vs 04 用後感 ——百零蚊買到寶石級閃爍？✨ Canmake呢個「城市之光」系列係主打寶石級閃爍感。我揀咗02同04兩色🥰 ✨ 02 Sphinx Amber (爆閃淺金色) · 顏色定位：金色調閃片，底色微微帶棕 · 閃片效果：閃度勁到爆，銀色同金色混合，有種冷調碎鑽嘅感覺 · 粉質觸感：偏「土豆泥」質地，用手指上比用掃更顯色 · 適合用途：疊加喺大地色眼影上做提亮，或者單搽做重點閃爍位 · 妝感風格：華麗仙氣，自帶仙女濾鏡 💖 04 Chamois Pink (可愛珊瑚橘粉色) · 顏色定位：溫柔奶茶色/珊瑚橘粉調 · 閃片效果：閃片比02更明顯，有少少顆粒感 · 妝感風格：可愛草莓粉調，可以畫出「紅紅嘅兔子妝」 · 適合用途：想畫溫柔甜美妝容，或者鍾意粉嫩色系眼妝嘅人 📊 兩色重點比較 · 02 爆閃淺金色：偏向冷調仙氣，可當眼影提亮或高光使用；粉紫色偏藍光 · 04 可愛珊瑚橘粉：偏向粉嫩甜美，可單搽打造溫柔眼妝；閃片較明顯 ✅ 共同優點 · 粉質細膩，唔飛粉，性價比極高 · 細細盒方便帶出街補妝 · 顯色度同持久
<看全文>Emily Leung好用推薦：Canmake 閃爍亮彩眼影 #04 真實用後感 先講包裝同第一印象 細細盒，掌心size，附送兩頭棉棒掃，方便隨身帶。望落去#04係玫瑰棕調，有五格：一格主色、一格眼線深色、三格閃粉打底/提亮，配色幾實用。 粉質點樣？ · 日系開架嚟講算幼細，唔會飛粉飛到成面都係。 · 顯色度中等偏淡，啱鍾意自然妝感嘅人，但如果你鍾意歐美眼影一畫就濃，呢盒可能會覺得唔夠色。 · 閃粉格好有驚喜，細緻得嚟夠閃，但唔會跌到成面都係，抵讚。 上眼效果 · 跟住盒背教學畫：打底格掃勻成個眼蓋 → 主色放雙眼皮位 → 深色畫眼線位 → 閃粉點眼皮中央同眼頭。 · 出到嚟係溫柔知性嘅玫瑰棕調，光線下會見到微微閃爍，唔誇張，返工/見人都啱用。 · 有輕微消腫效果，單眼皮或者內雙都用到，唔會顯眼腫。 持久度 · 冇用眼影底霜嘅情況下，室內大約維持 4-5小時 開始 fade out，閃粉會留耐少少。 · 夏天出汗或者油眼嘅話，建議配眼影底霜，唔係到下午會積線。 整體評價 · 適合：新手、鍾意自然光澤眼妝、日常返工返學用。 · 唔適合：追求超高顯色度或超持久12小時嘅人。 · 我會唔會回購？
<看全文>
Yty好用推薦：Canmake 絲滑液態眼影 (02色) 用後感： 佢個色調係好溫柔嘅粉紫色，上眼好清透，仲可以順便幫眼皮修飾黃氣同暗沉。最正嘅係裡面摻雜咗極微細嘅閃粉，隨住光線折射出夢幻帶微光又唔會顯眼腫 推開嗰陣質地好似絲絨乳液咁極度順滑，薄薄抹開之後好快就轉化成乾爽質感。貼服度好高，就算過咗大半天，雙眼皮褶位都依然乾爽，完全冇積線或者發黏嘅情況，而且佢防水功能呢樣嘢好吸引我 佢用法好靈活，單搽一層再拉條眼線已經好有精神；亦可以點喺眼皮中央或者臥蠶位置做點睛提亮。平時趕時間出門，用手指隨手推開就搞定一個精緻眼妝 #眼妝部門
<看全文>Kura好用推薦：2025年必買嘅液體眼影，顏色非常靚，適合日常妝容，閃粉好靚顯色度高，但搽上眼一d都唔誇張，光澤感十足，質地順滑容易推開，持妆時間長，性價比高，非常值得包色嘅一款液體眼影 #2025 @cosme
<看全文>
綺羅香好用推薦：近日想出門時先發現，我手頭上嘅眼影都偏向秋冬系，反而無乜啱春夏嘅顏色，於是就去咗化妝品店諗住平平地買幾盒，記得細妹以前幾推薦canmake 梳乎厘眼影，見出新霧面版本，就揀咗M04珊瑚粉色 霧面版嘅梳乎厘眼影全盒得左上格係亮片，蜜桃底色配亮片比較疏，不過勝在夠幼細，疊加兩層係陽光照射之下非常閃，右邊嘅粉紅色同珊瑚橙帶有非常輕微緞光，飽和度較低，要疊加三層左右先比較顯色，左下朱古力啡堅霧面兼高顯色，上一層已經好夠 眼影盒後面自然附有canmake 一貫嘅貼心教學，不過如果怕失手，我反而建議眼部打底之後，淨係上粉紅色或者珊瑚橙淺淺一層做打底色，然後用朱古力啡增強眼尾，最後用亮片打亮眼中，眼頭同埋卧蠶，簡簡單單完成一個眼妝 梳乎厘眼影粉質非常順滑，超出我對開架眼影嘅期待，用手不斷來回捽都唔會飛粉，上眼皮貼服，亮片都唔會飛到成塊臉都係，我比較鍾意附帶棉棒，尤其係幼嘅一邊，啱啱好上眼尾同卧蠶，棉頭唔會痴實眼影粉，確保全部眼影粉都可以上哂皮膚度，期待日後會出更多顏色
<看全文>星海之夢好用推薦：之前見佢做推廣嘅時候就買咗M04色系，作為新手好容易就可以跟住佢後面嘅建議做到相似嘅效果，m04色系偏向活潑嘅感覺，美中不足嘅地方就係好容易甩粉，整體感覺都唔錯。之後又買咗m01色系， 大致上同m04色係使用效果同缺點都差唔多，都幾推薦化妝預算唔高但又係新手嘅人去買呢一款。
<看全文>
Anne好用推薦：之前都鍾意用Canmake嘅化妝品，呢個眼影盤22號都係粉色調所以好鍾意💕好啱日常想精緻少少嗰陣用，粉紅色（右上）同埋偏橙粉（左下）嘅色都唔會太誇張，所以日常返工都會用。中間嘅閃粉都好閃，可以點綴成個眼妝，想華麗啲嗰陣可以搽用埋。 左上淺粉白色用嚟畫臥蠶highlight都唔錯，係幾自然顏色唔會死白。 眼影盤後面都有教學可以點樣用啲色調，非常之適合新手。不過佢支眼影筆細細支之前整跌咗費事執返嚟用，圖中嗰支係我自己換落去嘅。
<看全文>Bear好用推薦：日本旅行時選購的22號顏色，超。好。用。 看前面評論說亂塗都好用真的沒有說錯，由淡粉紅到櫻花色然後浪漫玫瑰粉，最後小小紫調的深色勾畫出眼型（全部超級顯色）；閃粉部份塗眼頭和眼球下方，整個甜美韓妝造型就出來了！
<看全文>
楊一二好用推薦：Canmake呢款晶瑩三重眼影討論度並唔高，但卻係我私心最愛既眼影，一定要推薦比大家！❤️ 佢最大既優點就係粉質做得好好，綿軟似奶凍，所以我習慣用手指上妝。指腹嘅溫度可以融開眼影，搽上眼超貼服👍🏻🥹，完全唔飛粉，幼細水光閃片好溫柔，唔會顯眼皮紋。我買既係11號熱門大地色，平時返工出街都會優先用呢盒眼影✌️ 🌟以下係我既使用方法： 1）直接用手指取眼影盤左側A主色，均勻鋪滿整個眼窩打底； 2）用附送的迷你海綿尖頭掃去蘸右側B深色，沿睫毛根部、眼尾三角區加深； 3）再用指腹蘸中間C梳乎厘亮片輕拍眼皮，打造水光晶透質感； 呢盒眼影100蚊都唔使性價比極高，鍾意日系淡水光眼妝一定要試！ #日系彩妝
<看全文>karun好用推薦：這款日系彩妝睇落去平平無奇 ，但係用上眼之後非常驚豔！ 它的顯色度非常明顯， 而且三隻顏色使用率極高， 因為非常容易襯搭， 無論是做任何的混色， 妝感都顯得非常自然。 小小貼士： 我會使用定妝碎粉在眼皮及臥蠶 位置上少少， 然後再上眼影， 即使我是一個油性肌膚底的人，咁樣整個妝容就可以維持到一整日 ， 都不會卡粉在眼折位置， cp值非常高的眼影推介給每一位。
<看全文>