Sym97好用推薦：Innisfree 既粉底係啞面粉感重，個人覺得浮粉令到面容稍不自然。粉底遮瑕度卻意外地高，持久度亦可，後期我甚至當左依款粉底作遮瑕用。但太乾燥時，粉底有少少裂開，水潤感仲係差咁啲

sscxy好用推薦：有很多不同色號的可以選擇這點很好，較容易挑對自己膚色的，遮瑕度一般，如果要持妝久一點的話一定要用base，如果唔係會較易浮粉

kayla.me.me好用推薦：空氣星空眼影盤有啡色系同埋粉色系,只需輕輕一抹即可點綴妝 容,質地係輕柔順滑空氣質感 我最鍾意啡色系 →佢嘅棕金色系眼影盤可隨意就打造出時尚開朗嘅妝容。

Sarah好用推薦：Innisfree的眼影盤顏色好易襯，不過有少少飛粉，閃粉都幾靚，上皮膚幾顯色。

Kakar好用推薦：已經回購左好多支，冬天最鐘意用呢款，佢係比較黏笠，夠哂滋潤皮膚。

Karman28好用推薦：冬天乾燥的天氣，用呢支就最岩，同其他面霜相對笠少少，非常滋潤皮膚，不過覺得價錢相對貴少少。

Hamiii好用推薦：卸得唔太乾淨.. 眼影都卸唔晒🥲 同價位既卸妝油可以做得更好 唔太建議入手..

jellybeanyay好用推薦：質地較一般卸妝油杰身，延展性唔高所以用量要比其他卸妝油多，先可以足夠覆蓋全面。卸妝力出奇地比好多卸妝油低，當然好過卸妝巾/水，但平時可能打圈幾下睫毛液已經溶化曬， innisfree呢一支我打咗十幾個圈先溶化到... 乳化都幾容易，但過咗水之後，發現睫毛液原來仲有少少未卸得乾淨OMG...我已經比平時用多咗時間同心機... 你問我佢係咪一支雷品？以卸妝油來講佢都算好失望，但如果係以所有卸妝產品來講都可以接受嘅。

agnessstang好用推薦：好可愛嘅包裝設計 好似水彩顏料咁🎨 擠出嚟嘅膏體偏厚身少少 比較難搽勻循 唔夠潤 搽咗一陣會覺得有啲乾

Jan好用推薦：呢隻Mini size 版係聖誕限定套裝，一套有幾支唔同色，由粉色到紅色系，都係常用嘅顏色，會購入係因為鍾意有色嘅潤唇膏，哈 帶有清新嘅香味，膏體唔算好易推開，幾潤吓但有少少笠，保濕效果ok，搽咗後（唔飲水嘅情況下）係冷氣環境都keep到三四個鐘嘴唇唔覺乾；上嘴顯色度都唔差，但當然唔及一般唇膏，好快開始甩色。 總體嚟講都唔錯嘅，價錢亦唔貴。

格仔餅公主好用推薦：唔建議亦唔好用嚟單搽，因為個顏色比較深，同埋唔自然，做妝前嘅打底好啦，比較過搽左佢個妝真係keep得耐左，所以乖乖地做返隔離霜就算啦

wintonggg好用推薦：tune色幾唔錯，唔會同粉底液打交，但係有DD乾，要做好妝前保濕先

Circlecyy20好用推薦：係光澤感既粉底 但係滋潤度意外地唔高 要皮膚情況唔太差先岩用 但好在上面效果都靚

sukihhhhhh好用推薦：Innisfree氣墊粉底既賣點之一就係粉盒，粉芯分開買，大家可以自己揀自己鍾意既粉盒款式。 顏色偏白，適合韓妝鍾意底妝偏白既效果。個人覺得遮瑕力麻麻，只係適合臉上無咩瑕疵既人，如果多瑕疵就要另外再用遮瑕膏。不過都做到校正顏色，所以如果臉上無咩瑕疵既話，呢款氣墊粉底用黎日常用係唔錯又方便。 持久度唔錯而且都好貼服唔會浮粉，出街用黎補妝都好方便。

Handm Little好用推薦：之前手指不停生倒刺，所以想搵啲滋潤嘅產品修護吓雙手，然後見到呢支精華平平哋於是一試。味相對唔刺鼻，油完之後唔係太笠，不過指甲會見到即時反光令面，所以可能要停留五至10分鐘唔可以做其他嘢先可以好好吸收

Hamiii好用推薦：Gel甲gel得多 塊指甲會變到好薄 試過一照燈痛到不得了 久唔久要停一停 養一養番好指甲 呢款係我其中一款會用既養指甲油 大約連用一星期 指甲會明顯強健番少少 而本身搽上手都痛小小令令地 睇落都會健康d 唔錯嫁

zetalhc好用推薦：呢個係Innisfree同一系列嘅大米面膜，用過幾次之後覺得美白嘅作用唔係好明顯，唔會再回購

T.C好用推薦：沒任何功效，質感都唔討好，不建議買。

shadow影子好用推薦：擁有超強的潔淨能力，能夠深入每一個毛孔角落，一次過徹底去除角質層，對黑頭同粉刺都有好好嘅清潔作用。就算暗瘡皮膚都可以用得，用完之後有消炎和鎮定皮膚功效，值得推薦！

lingbb好用推薦：- 本身對撕揭式面膜沒太大好感但因平宜打算再試一次，本身皮膚較易敏感，一般用完皮膚會變得太乾，呢款同樣令我皮膚好乾，我已經局部使用。 - 而且卸走都非常困難，一不小心會整傷皮膚 - 但佢係平價嘅清潔面膜，油肌中性肌皮膚應該會幾鐘意