INNISFREE 好用推薦產品

TsuenMa好用推薦：INNISFREE 我的專屬彩妝盤眼影 行到去個專櫃度，見到一系列唔同顏色嘅眼影，真係好吸睛🙈然後就忍唔住煮粥喺嗰度試顏色，最後購入咗佢嘅細號眼影盤，可以裝到四粒眼影，散開一粒粒買嘅話，大概就$50一粒，所以我連埋個盤再買四隻眼影色，都差唔多要$300埋單🙈比預算花費會貴咗啲，但好處就係可以自由配搭想要嘅顏色，如果用晒其中一隻色，都可以淨係補其中一隻就可以啦。 呢隻閃爍嘅顏色，我就揀咗大地系嘅顏色，但係我唔係咁鍾意大地色系嘅眼影，所以基本上入手咗之後用咗幾次就收埋咗喺櫃底。 Innisfree嘅眼影，顯色度好夠，不過我作為眼精比較易出油，雙眼皮摺比較深，摺痕位會比較容易甩，但係整體嚟講個持久度都好夠，基本上可以hold到全日。佢係比較顯色，但另一個角度我就覺得佢係顏色過於實淨，個人比較偏向柔和啲嘅顏色，所以呢盒眼影盤最後粉紅色色調嘅都打入冷宮🙂‍↕️

Fanc好用推薦：Innisfree呢隻閃爍眼影係我最經常用嘅一隻眼影😃 單色細細盒，放工出去搵朋友化返個眼妝都好方便，佢容易上色，亦都好易上到好均勻，唔洗下下都要用眼影掃先掃得開，建議少量多次咁上，如果唔係一下太重手就over左😂 CP值高，價錢親民，一盒有排用🫢如果呢個size一盒入面可以有兩個色就好啦～咁去旅行同去staycation果陣帶一盒仔就行得，唔洗帶咁大盒眼影同眼影掃 會有興趣試埋其他色🤭

LenaC好用推薦：呢款產品專為乾燥肌膚而設 可以均勻地散佈水分 Innisfree 既水潤綠茶保濕噴霧含16種氨基酸 有助打造水潤透亮肌膚 夏天行山既時候噴一噴 可以涼快咁散佈水分 為乾燥肌膚隨時補水之餘 仲可以降溫 減退紅印敏感

agnessstang好用推薦：淡淡綠茶味🍵 細支size方便 噴頭一般 噴出嚟嘅水珠唔算細緻 會見到一粒粒水珠 保濕感唔強

kayla.me.me好用推薦：空氣星空眼影盤有啡色系同埋粉色系,只需輕輕一抹即可點綴妝 容,質地係輕柔順滑空氣質感 我最鍾意啡色系 →佢嘅棕金色系眼影盤可隨意就打造出時尚開朗嘅妝容。

Sarah好用推薦：Innisfree的眼影盤顏色好易襯，不過有少少飛粉，閃粉都幾靚，上皮膚幾顯色。

mandy好用推薦：Innisfree  Black Tea Youth Enhancing Skin紅茶逆時活膚爽膚水$200/ 150ml 功效: 提亮+彈力+鎮靜+乾燥+光潤+活力 (本人為混合性偏乾膚質) 紅茶逆時活膚爽膚水的質地算不上濃稠,處於清爽及滋潤之間, 保濕力剛剛好。剛上面時有少少黏, 但很快就被肌膚吸收, 所以不會很油很笠。使用後, 肌膚變得水潤飽滿、富光澤及彈力。使用感極之清新及舒適。 如果以開架品牌來看, 紅茶逆時活膚爽膚水的價位著實有點貴; 但跟某些大牌專櫃的抗衰老系列爽膚水比較就不會覺得貴。 個人認為如果大家首重便宜, 可能這款不太適合。 但如果重視優質成分及使用感,  那紅茶逆時活膚爽膚水說不定就是your cup of tea. 大家最好在店家感受下質地再決定是否入手, 始終不同人有不同膚質及喜好, 最重要是適合自己。 總結一下, 紅茶逆時活膚爽膚水的品質、成分及使用感都不錯, 可是價位算不上很便宜, 性價比自然不是很高。 如果開始在意抗衰老, 想賞試使用抗老爽膚水, 但又覺得專櫃品牌太破費,  那紅茶逆時活膚爽膚水可能會比較適合您。 

Lumi Kwan好用推薦：紅茶成份有助抗衰老，我當佢係Fresh嘅代替品，有時平平哋買來用。質地其實唔俾大牌子差，未必真係試到有冇抗皺效能，但保濕功效一定有，用完之後塊面都幾清爽，唔會覺得好油膩，可以即時再搽精華同面霜。

Nicole 好用推薦：淡淡洗衣液的味道，好有家的味道😂令人感到放心、熟悉；質地較為薄身，好推開好吸收，滋潤度中規中矩，以它的價錢來說，產品絕對合格以上，會再回購。

Tiffany好用推薦：柔順香氣是有點衣服柔順劑味，又有點肥皂味，可接受。手霜滋潤度還可以，不算持久。

zetalhc好用推薦：鎮靜紅腫效果唔錯，皮膚無咁痕同暗瘡發炎消左少少，而且都有一定嘅保濕效果。一塊都係$10左右性價比好高

Laam好用推薦：Innisfree一向都係價錢親民嘅牌子 面膜都好抵買仲有好多款揀 茶樹呢隻味道幾好聞，精華質地偏輕身唔笠 保濕度正常，唔會太油潤為肌膚帶嚟負擔 係好啱油性皮膚用嘅質地 自己慣咗敷完Paper mask會過一過水，沖走多餘精華 呢隻真係好啱油痘肌，價錢又抵👍

Noel好用推薦：這枝綠茶平衡乳液，算是個人比較喜歡的乳液質感，乳白色＋液狀，帶有高流動性。產品帶有 innisfree 品牌的綠茶籽香味，算是挺舒緩的香氣👌 乾肌使用這個乳液，感覺滋潤，有滲透感覺，不會單單留在表面。塗到面上算是快吸收，我一般會塗兩層，增加滋潤感覺，不會太笠。如果想用這枝當成 overnight 最後一個護膚程序，建議可加入護膚油混合，例如我會選擇加入角鯊烯油 (Squalene) 。這枝乳液 CP滿滿，而且使用感要比同系列的平衡化妝水好❗

Akassoo好用推薦：相信有睇開我寫嘅心得都會知道自己一直係innisfree嘅忠實fans，已經用咗佢哋嘅產品超過7年以上，綠茶系列就係我一直都最鍾意嘅系列，佢嘅爽膚水、呢支精華同埋面霜都係我一直咁多年keep住有回購嘅。 而呢款綠茶乳液係乳潤質感的保濕乳液，蘊含綠茶精華同透明質酸。個人覺得呢支乳液係可以快速滲透肌底；但作為混乾肌嘅我，都係覺得佢唔太夠保濕。如果保濕同滋潤度可以再高啲就更好。 #我的崇光感謝祭必買乳液

jhope0725好用推薦：我自己一向都係Innisfree嘅胭脂 fans，一來好顯色，二來好貼服，唔會點飛粉。今次呢個山茶花胭脂仍然不例外，顏色好鮮艷，而且花蕊同花瓣用咗唔同顏色，溝埋又會有另外一種效果。 佢做立體浮雕實在太靚，不過可惜我唔小心，一返到屋企就跌崩左個角🙁🙁不過唔緊要，同大家分享佢嘅鮮艷顏色 佢顏色好顯白，我係偏黃肌，喜歡用鮮色令到皮膚望落去白淨啲，佢正正做到呢個效果。圖中左邊係來回搽3下，右邊就來回大約5下，睇到深淺色分別！大家上面就要blend開d 我上面用左佢3個鐘先開始慢慢淡色，大家唔洗擔心要成日補妝，溶入皮膚之後就會變左皮膚透紅嘅感覺，有d似天然俾太陽曬完嘅感覺。來緊夏天，想要個summer look用佢做眼影嘅highlight都得，夠實色。呢個胭脂推介！

JL好用推薦：第一眼見到這款山茶花浮雕胭脂已急不及待入手一個，我買的是1號山茶正紅色，別看它紅得像唇膏，其實上臉效果可濃可淡，因為它含有水份的彈性質地可隨意用手指塗抹，塑造清爽透亮的妝效。另外它的不脫粉功效很適合戴口罩時使用，我試過用小眼影掃把這胭脂輕輕掃在眼尾位置，即時化出潮流韓國妝容！

Sophia好用推薦： 炎炎夏日，面對猛烈陽光和潮濕悶熱的天氣，肌膚總是容易出現各種問題，像是曬傷、泛紅、乾燥缺水等等。一款清爽又能有效舒緩鎮靜肌膚的保養品絕對是夏日保養的重中之重，而 Innisfree 蘆薈再生修護舒緩啫喱正是適合這個炎夏！ 這款啫喱的質地非常清爽，推開後瞬間就能被肌膚吸收，完全沒有黏膩感，使用後肌膚感覺水潤舒適，完全沒有負擔，非常適合夏天使用。 我通常會在曬後使用這款啫喱來舒緩鎮靜肌膚。將啫喱厚敷在曬後泛紅的部位，冰冰涼涼的感覺非常舒服， 蘆薈成份能有效舒緩曬後的不適感，像是灼熱、刺痛等等。使用後泛紅的現象也會得到明顯改善，肌膚感覺更加水潤，亦都得到降溫舒緩。 除了曬後修復，我也會將這款啫喱當作日常保養使用。在清潔完肌膚後，取適量啫喱均勻塗抹於臉部和頸部，輕輕按摩至吸收即可。使用後肌膚感覺水潤清爽，完全沒有油膩感，即使之後上妝也不會起 擦子膠碎。 此外，這款啫喱還可以用於身體肌膚的保養。夏天因為經常穿著短袖短褲，手臂和腿部肌膚容易變得乾燥粗糙，這時就可以使用這款啫喱來滋潤肌膚。啫喱的質地清爽不黏膩，塗抹後能迅速被肌膚吸收，使用後肌膚變得水潤光滑，摸起來非常舒服，而且價格親民，CP

zetalhc好用推薦：性價比非常之高，曬完太陽之後搽一層可以為皮膚即時降溫同埋舒緩泛紅，有效減少甩皮嘅情況

Hamiii好用推薦：韓國入手既48號色😍 好顯白既一款甲油❤️ 只搽一層就已經足夠顯色，亦遮晒白邊🫶🏻🫶🏻 呢隻色下次去一定再入手🫶🏻🫶🏻🫶🏻

Giselle 好用推薦：Innisfree 顯色指甲油 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 之前係大陸嗰陣買嚟用，用完真係幾失望(›´A`‹ )首先係佢陣味真係超級無敵臭(⌯︎˃̶᷄ᗝ˂̶̥᷅⌯︎)佢嗰種程度係一扭開蓋就已經聞到陣超濃郁屋內裝修油漆甲醛味，唔講我仲以為我開到係油漆而唔係指甲油( ･᷄-･᷅ )第二係佢好難沾取(꒦ິ⌑︎꒦ີ)因為我買嘅呢隻係透明帶閃片款式，但每次拎佢嘅掃只可以沾取到1-2塊嘅閃片+超多透明甲油(◞︎‸◟︎；)勁多嘅閃片係痴係樽身嘅底部完全拎唔到(இдஇ; )就算搽咗上甲面嘅閃片都好快就會甩咗(๑•ૅㅁ•๑)帶閃片嘅甲油一律唔建議入手(っ◞︎‸◟︎c)