INNISFREE

綠茶卸妝油

🍵 innisfree 綠茶卸妝油用後感 | 平價得嚟又卸得乾淨！ innisfree 支綠色樽身好搶眼，望落好清新，揸上手啱啱好。按出嚟嘅質地係透明油狀，有陣淡淡綠茶香，好療癒！ 本身我係混合肌，T字位出油但面頰會乾。見好多人推介話 innisfree 支綠茶油抵用，又話敏感肌都用到，咁就膽粗粗買嚟試吓啦！ 支油嘅質地唔算好厚身，推開好順滑。最正係陣陣綠茶清香，唔會俗氣，卸個妝都覺得好 relax～ 日常妝容（防曬+粉底+眉+胭脂）：完全無問題！乾手乾面捽幾下，啲妝已經溶咗七七八八，連毛孔位嘅粉底都走出嚟。 防水眼線同唇膏：要捽多幾下，但都卸得甩，唔使刻意用眼唇卸妝液（但如果化濃眼妝，建議都係用專用嗰啲穩陣啲）。 乳化超快！ 呢點我好滿意～ 濕少少水再按摩，啲油即刻變白乳化，過水沖兩三次就已經乾淨，塊面冇黐立立嘅感覺，仲好潤添！  沖完水之後，塊面 冇繃緊，亦唔會乾到「扯住」咁。摸落滑溜溜，好似用咗潔面油連護膚程序都做埋咁～ 試過唔即刻搽護膚品，都頂到十幾分鐘唔緊繃！ 優點總結： ✅ 性價比高，二百蚊有找 ✅ 乳化快、易沖洗 ✅ 綠茶香味清新 ✅ 保濕度夠，唔抽乾皮

innisfree卸妝產品真的不太好用🤕卸得唔係幾乾淨，質地都麻麻地，好黏，整體不建議

卸得唔太乾淨.. 眼影都卸唔晒🥲 同價位既卸妝油可以做得更好 唔太建議入手..

質地較一般卸妝油杰身，延展性唔高所以用量要比其他卸妝油多，先可以足夠覆蓋全面。卸妝力出奇地比好多卸妝油低，當然好過卸妝巾/水，但平時可能打圈幾下睫毛液已經溶化曬， innisfree呢一支我打咗十幾個圈先溶化到... 乳化都幾容易，但過咗水之後，發現睫毛液原來仲有少少未卸得乾淨OMG...我已經比平

一般卸妝我唔靠佢，我會用佢嚟做外國beauty youtubers勁興嘅oil plug cleansing，會推出好多黑頭白頭，不過按摩唔好按大耐，我覺得十分鐘內已經好夠，之後做返一般乳化清洗再用洗面乳洗乾淨塊面就擔保唔會起粒粒，塊面洗完仲滑溜溜！

普通卸妝油，唔會話好油膩膩，不過清潔力比其他品牌既卸妝油低，價錢又唔算平，所以性格比低。

可能太溫和～冇乜卸妝力，佢好油但卸妝唔乾淨，我用完佢要用其他卸妝再清潔，用咗一半都冇就已經唔想用，dum咗lu🌝

可能因為佢太天然（？），對比同類虛品泥講卸得不太乾淨，特別是眼妝化重了的日子，要專門另外搵支眼唇卸妝水先卸到……