SK-II 好用推薦產品

Kmggigi好用推薦：SK‑II SKINPOWER 煥顏能量精華霜 — 水潤好推，用幾日已感覺到緊緻提升✨ 質地: 呢款精華霜質地偏固體，但一抹都算容易推開， 延展性高，搽上面好快吸收， 用完皮膚感覺舒服又有彈性。 效果: >持續用咗幾日之後，明顯感覺到肌膚變得更緊緻， 輪廓有少少提升效果，皮膚摸落都實淨咗， 有返彈力嗰種感覺。 除咗緊緻之外，皮膚狀態都穩定咗， 用完有光澤但唔笠，日頭夜晚用都無負擔。 總結：想要彈力同緊緻感，呢樽真係值得投資 SK‑II SKINPOWER 煥顏能量精華霜質地清爽又有效，用得舒服之餘又見到變化，想改善鬆弛同提升肌膚彈力嘅可以考慮入手✨ #火熱新品

Kitty 好用推薦：SK-II新出嘅大紅球面霜試用咗幾日，同舊版大紅瓶真係有啲分別。新版本質感明顯實在啲，偏向固態，似乳酪質地，無舊版咁潤澤，推開後吸收得好快，但對我呢種偏乾肌膚嚟講，就欠缺咗啲油潤感，夜晚用落覺得皮膚有啲掹住。舊版雖然潤澤啲，但感覺新款大紅球喺膚色提亮同緊緻消腫方面效果幾明顯，第二朝起身用面霜按摩，感覺塊面細咗一圈。香味依舊淡雅舒服。 如果係油性肌膚或者夏天用，呢款面霜可能會覺得太厚重，更推薦秋冬使用。不過個人暫時都係鍾意舊版多啲，尤其秋冬需要多啲油潤感。 #火熱新品

Kathy Wai好用推薦：質地係帶珍珠光嘅乳液狀，推開好水潤，吸收得快，後續搽面霜都唔會搓泥。用咗大概兩個星期，最明顯嘅感覺係成塊面嘅光澤感真係提升咗！唔係油光，而係由內到外透出嚟嘅「嘭皮」光感，尤其素顏時睇，膚色均勻咗，冇以前咁暗啞。 至於最出名嘅美白淡斑效果，我本身冇明顯色斑，但嘴角同鼻翼嘅暗沉就有改善，整體膚色睇落乾淨、透亮咗，似皮膚底層「開咗燈」咁。膚質摸落去亦滑溜咗少少。 不過要提提，佢有少少「口水味」（其實係Pitera味），同埋價錢真係唔平。但如果預算許可，又想追求明顯嘅光澤同提亮效果，佢真係一支有實力嘅精華！

Sarah好用推薦：圖中是Skii套裝中小燈泡精華 舊年5月於專櫃購買左三套 因為旅行中環湖踩單車曬到好黑 所以買回來就每天堅持用 7月初臉部已明顯比脖子白兩度 可以話係我用過嘅美白精華中效果最明顯 個人用法: 每天晚上於神仙水後使用 用量多d 膚感ok比舊版好一些 我是混合性皮膚,香港濕熱環境使用不會油不會粘膩 沒有生痘痘粉刺 除左貴暫時未揾到其他缺點 #精華

Kelvin好用推薦：Lxp 系列，神仙水Pitera成份多咗。使用上膚感都唔錯，不會似大紅瓶咁油膩，膏狀較為厚實，乾性皮膚適用。所以用嘅時候要乳化咗先至可以上面，對我懶嘅人嚟講有啲麻煩。 香味好淡，但又聞落有點奇奇怪怪，有啲似豬油餿既味道，唔似神仙水臭口水味。除咗質地，感覺同大紅蘋都一樣樣對皮膚毛孔會細緻啲，用完膚色比較均勻，而且可以穩定皮膚。因為都好貴，每次都唔會用太多份量，但真係好貴好貴。而且冇啱啱出嘅時候講到有用完驚人嘅感覺。 推介人士💁🏻‍♂️貴婦、成熟肌膚、Skii 忠實fans

poonpoon好用推薦：Skii LXP cream加咗八倍pitera 成份 同大紅瓶質地差唔多，乳白色質地面霜，容易推開，吸收都幾快，感覺保濕咗，但冇黏立感😙 用完第二日皮膚好似細嫩滑咗，感覺好似啲紋淡咗同埋緊致咗。抗老功效幾明顯 始終係高一級嘅line，但都幾貴$6379/80g，絕對有SKII 有品質保證 👍🏻 #火熱新品