SK-II 好用推薦產品

Kitty 好用推薦：講真，一開始仲心大心細，咁貴一塊面膜係咪真係值？佢塊膜布係幾厚身，同平時用開嘅唔同，但敷上臉又幾貼服，精華多到可以搽埋頸。 敷大概15分鐘，拎落嚟嗰刻已經覺得塊面光澤咗，摸落去滑捋捋，好似飲飽水咁。最明顯係第二朝起身，成個膚色冇咁黃同暗沉，毛孔都好似細緻咗，上妝真係貼服好多，冇咁易卡粉。如果第二日有重要約會或者場合，摞嚟急救真係一流。 當然啦，價錢確實有啲辣手，當係獎勵自己，或者皮膚狀態唔好嗰陣用來急救，效果都算對得住個價錢。

Kriskirs09好用推薦：SKII 前男友面膜 點解佢叫前男友面膜？ 因為佢聲稱敷完之後係會令到前男朋友後悔，所以大時大節或者有重要嘅場合都可以用佢哋急救皮膚，令到你嘅皮膚去到最佳嘅狀態。  上網有教使用方法 第1步：面膜紙比較厚，所以建議瞓喺度敷，先敷15分鐘左右，唔好撕走面膜。 第2步：將面膜剩低嘅精華倒出嚟搽喺面上面再敷15分鐘左右。 第3步：呢步好重要將面膜除出嚟，然後將精華倒喺手上面開始幫自己面部按摩，大概5至10分鐘左右就會起擦子膠碎。 第4步：按摩完之後一定一定要用清水洗面，會發現皮膚即刻光滑咗好多。 ✨個人使用感覺： 我係根據以上嘅方法，用咗一次即刻發現毛孔好細同埋皮膚好光滑，但係第二日我係起咗幾粒小暗瘡，我個美容師話我唔係好啱酵素嘅產品，但係實際原因我都唔知道點解。 但係我男朋友同我同時間用，佢嘅使用效果就好好，第二日皮膚一樣咁光滑，所以真係應該係睇人🫠最後尾我成盒送咗俾佢用🫠🫠🫠

Hamiii好用推薦：跟神仙水package有3塊 分上下兩塊 但同銀色一樣 面膜紙好大 紮好晒頭髮先好敷 功效我亦覺得同前男友分別唔大 敷完面我會拎黎周圍敷😂 面膜精華勁多 唔好浪費ma🤫 吸引程度周銀色差唔多 都係會買番前男友

LenaC好用推薦：係爸爸送既禮物 全效活能 3D面膜 連埋神仙水 一個package 主要成份為PITERATM 係天然萃取成份 蘊含維他命、礦物質、氨基酸等超過50種微量養分 有效調理肌膚既天然功能 面膜質地好有彈性 滲透豐富嘅精華液 敷完真係好舒服 肌膚好似重新注滿水

橘子貓好用推薦：Whitening Source Derm-revival Mask 比起SK2大名鼎鼎的前男友面膜，這款美白面膜更為低調。 面膜紙是一貫日系貴婦品牌的偏厚、彈性高，將下半臉面膜用點力斜向上提拉，面膜紙的包覆度會大大提高，貼伏度也更好。 面膜精華是透明啫喱狀，敷上臉微微涼，很舒緩。敷了20分鐘，面膜紙也不會有變乾的跡象，再敷10分鐘也可以。敷後皮膚水潤度大大提升，明顯變得白亮，就算過水後明亮也維持了大半天，袪黃亮白效果很好。 美白面膜使用上比前男友面膜更方便，不用敷完後還要按摩一般時間直到精華液完全吸收。亮白效果也更直觀。

Pinky好用推薦：敷完有亮白左少少，不過唔係皮膚顏色白左果種 有保濕感