SK-II 好用推薦產品

Kelvin好用推薦：SkinPower精華霜有SK-II獨特的PITERA™️活膚成分，SK-II產品專利成份。 質地係偏薄身嘅cream，淡黃色，延展性好。SKII嘅獨面霜味道。成罐用晒先至打呢個評價，keep住用嘅皮膚光澤改善暗沉，然後喺虎紋位置慢慢有紋嘅效果。 佢嘅質地其實都有相對保濕度，可以喺冷氣房用，份量唔需要太多啱啱好。可以搽完精華之後薄薄地最後搽一層。或者呢排天氣又熱，但係又有少少乾，薄薄地搽就舒服。油肌冬天都可以使用。 抗初老嘅第一步，配合埋神仙水用皮膚會穩定再加抗老，係最佳配搭。

Kitty 好用推薦：話說前排皮膚狀態唔多穩定，又乾又暗沉，即刻拎出呢隻風靡萬千護膚達人嘅SK-II大紅瓶！用咗一段時間，終於可以同大家分享下真實用後感～ ✨質地同氣味： 佢嘅質地係嗰種好豐潤嘅乳霜狀，一搽上臉就好容易推開，吸收得幾快，唔會好似戴咗個面具咁黐立立，有好明顯滋潤感。味道方面，有陣好淡雅嘅清香，唔會太濃，我個人幾鍾意！ 💧保濕度： 呢支嘢嘅保濕力真係冇得彈！我本身係混合肌，T字位油但兩頰超乾。用完佢之後，成塊面即刻覺得好水潤，尤其係兩頰位，冇再因為乾而繃緊，摸落去仲好似飲飽水咁，彈彈哋～就算而家轉季，皮膚都keep住好穩定，冇乜點出粒粒或者敏感。 🌟修復同光澤感： 最驚喜係用咗一段時間之後，成塊面嘅光澤度同緊緻度真係有提升！唔係嗰種油光滿面，而係由內而外透出嚟嘅自然光澤。之前額頭同下巴有啲暗沉同印印，而家都淡咗唔少，成個膚色均勻咗，睇落精神好多！ 👍整體評價： 畢竟係日系高端護膚品，個銀碼有啲肉赤，但以效果嚟講，真係一分錢一分貨！無論係保濕、修復定係提升光澤度，都交到功課。如果你係乾肌或者混合肌，轉季時皮膚容易唔穩定，呢隻skinpower大紅瓶絕對值得投資～ 當然啦，護膚品呢家嘢好個人

LTYANN好用推薦：一款十分適合用來做晚霜，或者秋冬天時的面霜。 這款面霜雖然價錢有點貴，但份量十分多！ 圖中顯示所剩的份量是我用了差不多3個月的用量，可見只是用了1/4 而已～ 我是混合肌，這款塗了上面後，完全沒有笠的感覺～ 很夠保濕和鎖水，用完肌膚很柔軟～ 隔天起床不會覺得面頰乾乾的，出油量也不多，完全做到面霜「鎖水」的效果～ 至於緊緻的效果就因人而異， 覺得不會用了很短時間便會有很明顯的效果～ 個人十分喜歡這款產品

Ni好用推薦：擦起來好舒服又非常滋潤的白色乳霜 質地輕柔又豐厚 摸上臉好吸收好推勻 白天擦會稍微油 晚上睡前或冬天比較適合

Kelvin好用推薦：Lxp 系列，神仙水Pitera成份多咗。使用上膚感都唔錯，不會似大紅瓶咁油膩，膏狀較為厚實，乾性皮膚適用。所以用嘅時候要乳化咗先至可以上面，對我懶嘅人嚟講有啲麻煩。 香味好淡，但又聞落有點奇奇怪怪，有啲似豬油餿既味道，唔似神仙水臭口水味。除咗質地，感覺同大紅蘋都一樣樣對皮膚毛孔會細緻啲，用完膚色比較均勻，而且可以穩定皮膚。因為都好貴，每次都唔會用太多份量，但真係好貴好貴。而且冇啱啱出嘅時候講到有用完驚人嘅感覺。 推介人士💁🏻‍♂️貴婦、成熟肌膚、Skii 忠實fans

Paris merci 好用推薦：膏狀推開變成乳液質地，吸收後不會很油。感覺有啲似雪花膏咁厚實。就算我長期夜訓用完皮膚超級滑，皮膚好似好細緻咗，用咗一星期白淨咗🤩 不過價錢真係比較貴，係貴過skii 紅瓶子，佢係話添加咗n倍既pritera 。如果你皮膚唔係好差，或者未算係熟齡肌，應該買返紅瓶子，年紀大啲先至買lxp。其實即使用返紅瓶子已經好足夠，依款性價比唔算好高💕

Kpl6be6好用推薦：質感輕盈但又有足夠滋潤度～搽上面唔笠又易推開～通常會用神仙水,再加小燈泡精華,最後上薄薄一層呢款面霜～整個護膚程序已感覺非常完滿～

940727.0好用推薦：多謝@cosme 早排送俾我得獎試用SKII面霜。依家開始轉入秋冬好需要保濕面霜，再加上皮膚開始老化狀態，有少許緊致拉提效果。整體嚟講都滿意。

Kpl6be6好用推薦：包裝好有貴婦感～輕熟肌感覺更適合使用～搽上面潤而不膩～吸收得好好～仲有淡淡花香～