NARS 好用推薦產品

Summer好用推薦：NARS 四色眼影用落真係幾順手，粉質幼滑，顯色度高又持久，一日都唔易甩妝。唔易飛粉，化妝過程乾淨舒服～ 四色配搭好方便，輕鬆就可以疊出立體漸層效果，日常淡妝同夜晚濃妝都啱。 不過啞緻色推開時有啲難暈染，要花多少少心機。至於閃爍色就光澤感好強，效果華麗，派對或者濃妝場合用就好靚，佢個閃粉真係好閃下😂 總結嚟講，呢盤眼影係穩陣又實用，啱晒想要方便又高質嘅人！

莓莓好用推薦：NARS四色眼影盤——ST PAUL DE VENCE 聖保羅 呢盤係屬於溫暖嘅橘棕色系 非常適合日常妝或者溫柔氛圍感嘅妝容 配色清新自然，既可以畫出低調妝 又可以疊加深色，營造更濃郁嘅妝效 百搭又實用，適合鍾意柔和妝容嘅人。 顏色：整體係杏棕色調，蜜桃色用嚟打底，配搭裸色、淺啡同深啡。蜜桃色溫柔清透，裸色提亮眼窩，淺啡加深輪廓，深啡勾勒眼線。 質地：粉質細膩，結合咗啞緻同微珠光質地，唔飛粉，易暈染。 特點：新手都啱用，配色日常又百搭，輕輕鬆鬆就可以畫出自然有神嘅眼妝，日常返工、約會都啱用。

Kitty 好用推薦：最近整理化妝櫃，摷返呢盒幾年前好hit嘅NARS吉隆坡出嚟。講起呢盒雙色眼影，真係當年嘅斬男盤、溫柔代表，幾乎個個都想拥有一盤。呢盒係玫瑰金搭莓紫色，當年真係紅到發紫！我用落覺得佢係方便同“挑剔”並存。 ✅ 優點：上妝真係好快！趕時間嗰陣，手指捽兩下就搞掂個眼妝。玫瑰金嘅偏光好細膩，靚。 ❌ 缺點：好揀人！如果係黃皮、膚色深、單眼皮或腫泡眼，紫色好易顯濁或顯腫，有中伏風險。粉質偏乾硬，顯色度我覺得幾好。 💡 使用貼士：千祈唔好用紫色大範圍塗！只喺雙眼皮褶內或眼尾細範圍加深，再用玫瑰金提亮眼中同眼頭，效果會乾淨好多。 總結嚟講佢係一款經典嘅產品。皮膚白皙嘅雙眼皮朋友可以試出溫柔感；但黃皮同腫眼泡就強烈建議專櫃試色先，未必係你杯茶！

Emily Leung好用推薦： Nars嘅Hammamet呢，佢哋嘅雙色眼影真係我最心水嘅雙色眼影喇！呢盤感覺有啲似聖保羅，但係又唔完全一樣。好有日韓風同奶茶feel，春夏秋冬用起上嚟感覺都唔同。層次感同深邃度就唔使點期待啦，因為佢色調都幾清淡。 粉質唔錯，啞光色好易沾粉又易暈染，肉橙色打底好有「媽生美女」嗰種氛圍感，係個好暖調嘅打底色。每次搽珠光呢部分我都會諗起砂糖橘，好明亮好炙熱嘅歐美閃粉橘粉色，化歐美妝嘅效果真係好驚艷，日常妝嘅話用手指點少少喺眼皮中間就夠喇，如果唔係會變孫悟空。 呢盤唔係話無可替代，只係我覺得Nars嘅化妝品專業度同磁吸包裝都幾加分。

Fng好用推薦：Nars 六格mini眼影，我買色號係orgasm， 細細盒去旅行方便攜帶，顯色度冇得彈， 但唔可以重手，因為會顯得眼浮腫 ，唯一缺點係顏色配搭冇乜大變化，因為color tone差唔多， 優點係佢啲閃粉係宇宙級🤩 可以令你嘅妝容閃出宇宙。😂😂😂😂😂

格仔餅公主好用推薦：無飛粉，啲粉壓得好實下，顯色，畫少少就好出，鍾意玩眼影mix and match既應該好buy

Sandy好用推薦：Nars Afterglow eyeshadow palette🎨 12 顯色眼影， 可以變出超過100款組合💪 優點上粉容易黐得好實，出色😀 唔甩粉長時間keep住ok 每日用, 用咗1年以上仲有未用完 性價比非常之高, 價錢$420 每日用嘅話佢真係好抵用😄 冇得輸

Sarah好用推薦：好靚，粉質幼細，有幾種唔同嘅閃片，例如珠光和大閃粉。掃上眼睛非常顯色，算好持久，冇咩飛粉嘅情況。顏色方面容易配搭，一盒有齊底色、暈染、眼線和提亮嘅顏色，非常方便。

maylam好用推薦：我買嘅ashes to ashes 係淺灰棕色 非常日常好用！ 而且算比較特別嘅大地色 唔算好易揾類似嘅 好鐘意！

mandy好用推薦：NARS ORGASM RISING EYESHADOW PALETTE 眼影組合 $500 這個ORGASM眼影組合是情人節的限量版， NARS基本上任何彩妝產品貫上ORGASM的名字， 通常都會大賣，相信這個ORGASM眼影盤也一樣受歡迎。 ORGASM 眼影組合的外盒是非常少女心的Baby Pink， 其實NARS很少使用粉色的設計，所以十分獨特。 眼影組合內藏9色百搭眼影，閃爍、珠光、霧面質地都有，可以打直、打橫、打斜， 由淺入深使用(日常眼妝)或由深到淺使用(Smokey Eyes)都可以， 總之畫眼影的方法千變萬化，可以創造無限多變的不同眼影配搭。 9色眼影充滿甜美感及變化，可濃可淡，可甜可日常可smokey，可說是戀愛眼影盤，隨時化出令人心動的眼妝，展現出各式各樣的風格。 眼影粉的質地非常細滑易上妝，顯色零色差，而且不會飛粉。帶閃片或珠光的眼影顯色不會很誇張。所有眼影色都不顯眼腫，對早上易眼腫的我來說實在太好了。先塗眼影底霜再上眼影，眼妝持久度非常高，可以維持一整天都不用補眼妝，也不會溶妝/暈染。 喜歡用9宮格眼影又喜歡Orgasm色號的要趕快

Sandy好用推薦：Nars 眼影盤 12個顏色組合 適合任何場合 12款可以變化出 組合超過50款😄 塗上眼影 效果 非常靚好閃 閃粉效果尤其是夜晚好明顯 啲粉好滑完全好容易推開 唔飛粉好鬼正 平時嗰啲開架眼影比較冇得冇得比較

Nicole 好用推薦：24限定眼影Gold Rush 從包裝到產品本身都是金光閃閃！眼影自帶金光鑽閃，顯色度超棒，隨意的抹在眼皮上就能散發出耀眼的光澤，超適合派對和喜慶日子用！ #火熱新品

choichoi好用推薦：包裝跟顏色也很精美，紅棕色系蠻適合秋冬的妝容，真的百搭亦是日系妝容都適合的；眼影質地偏啞光帶少許閃片，絲滑也好暈染，至於飛粉問題則完全沒有，可以不用擔心 #火熱新品

beanya好用推薦：好容易貼到眼影，又唔會易跌閃粉，適合用細影掃化一啲幼細嘅位置。

lucrezianoin好用推薦：買左naked city, 晚妝時用最適合! 質地係霜狀嘅, 所以好貼服, 而且好容易暈染. 持久度都幾好, 潮濕嘅天氣都唔會太容易冇左.