Dove 多芬 好用推薦產品

Emily Leung好用推薦：呢隻 Dove 勝肽修護髮膜（小金碗）喺香港都幾hit，以下係個人使用心得： 質地同香味 質地似濃稠乳霜，唔算太杰，搽上頭髮幾易推開。香味偏甜花香，有啲似沙龍品牌，洗完頭仲留住陣味，鍾意香味嘅人會幾受落。 即時效果 沖水嗰下已經覺得頭髮滑咗，吹乾後毛躁明顯減少，梳頭唔再咁易打結。對染燙受損、乾旱髮質嚟講，柔順感幾突出。 持續力 如果每星期用2-3次，頭髮光澤同柔軟度可以維持到下次洗頭。但若果髮質極度受損（例如漂過），單靠佢未必夠力，可能要配埋護髮油。 缺點 有啲用家覺得質地偏厚重，油性頭皮或者細軟髮質用咗會塌，建議只搽中尾段。另外香味較濃，唔鍾意香精味嘅人要留意。 性價比 以開架價錢嚟講，效果算幾驚喜，難怪被封為「平價沙龍級」。如果遇到藥妝店特價，好值得入手試吓。 小貼士 · 洗完頭擰乾水分先搽，吸收更好 · 停留3-5分鐘先沖，效果更明顯 · 細軟髮質可減少用量，避開頭皮 整體嚟講，係一隻CP值高嘅修護髮膜，特別啱乾燥、毛躁、受損髮質。

Lindabb好用推薦：我用過呢隻Dove小金碗，整體嚟講性價比超高，係日常保養嘅好幫手，但唔好期望同沙龍級深層護理一樣。 質地&香味：似乳酪咁軟滑，好易推開，唔會「漿」住頭髮。香味係好舒服嘅花香，唔會太人工，第二日都聞到淡淡香。 使用感受：搽上頭髮即刻覺得順滑，沖水時明顯變軟，冇假滑感。我係電染受損髮，用完吹頭順好多，打結情況少咗8成。 效果持久度：如果冇用風筒，順滑感大約維持到第二日。但如果有吹頭/用電捲棒，建議隔日就要再用，持久度中等。 性價比：$60-70就有成300ml，一週用2-3次都用到成個月，日日用都唔心痛。 溫馨提示： · 一定要避開頭皮，否則會太滋潤令頭皮出油 · 停留時間跟包裝寫3-5分鐘就夠，唔使敷過夜 總結：適合追求平靚正、懶人日常保養。但如果頭髮嚴重受損（漂到金毛獅王咁），呢盒會唔夠力，要轉用更厚身嘅髮膜。

Hamiii好用推薦：正常護髮素 Feel唔到深層滋潤左😂😂 日常粗用好抵 間隔下髮膜用 無咩特別頭髮問題既可以入手

KDing好用推薦：表現不過不失 只可以話係日常修護用 但頭髮未必用後好滋潤 但頭髮平時唔會日日用髮膜既日子用都ok 同埋佢香氣幾易接受

Cole Cole 好用推薦：Dove 輕潤滋潤洗髮水，味道好香，洗完頭之後頭髮唔會好乾燥，好清爽，洗完頭第二日頭髮都好香，唔會好塌，可以去頭油，可以去頭油嘅味道，頭髮好柔順，減少開叉。性價比高。

Karman28好用推薦：都係因為用同系列既洗頭水而轉用呢支護髮素。護髮素黎講，暫時真係覺得古支都差唔多，無特別功效。不過不失。

sscxy好用推薦：Dove這支護髮膜，相信非常多人用過，不只便宜大枝，而且還很好用。  Dove的這支護髮膜算是我經常回購的產品之一，如果我有時間的話會搽上頭髮1至2分鐘左右沖走，但沒有時間的話亦會用它來當護髮素使用。  佢嘅質地唔算杰身，非常容易推開，上頭髮輕輕按摩後我就會等一兩分鐘左右就沖水，沖完嗰陣仲會覺得頭髮有少少滑身同順服，但效果唔算好持久。 呢一支我通常會春天同夏天使用，秋冬嘅話可能唔夠力，但大多數我都會當做護髮素使用，可以有修護效果亦唔會太立。最重要係佢價錢非常平，而且份量足夠多，所以我已經多次回購了。 對我來說，佢係介乎護髮素同髮膜中間。我就睇自己時間多少決定點樣用。由於佢使用時間比較短，所以好適合繁忙嘅都市人，推薦想短時間護髮嘅人。👍🏻

Chloeincosme好用推薦：特價$30/2 枝😍每次吱勁多都唔心痛dove 護髮精華！ 佢嘅質地輕盈易推，我通常洗頭後搽勻髮尾，輕輕按摩等一分鐘就沖水，超級適合趕時間嘅日常～ 🤍 柔順效果：4/5 沖水即刻感受到頭髮變滑，梳開時冇咁打結，毛躁有明顯改善～ 🤍 持久度：3/5 柔順感唔算好持久，大概維持到半日 🤍 使用感：4.5/5 用完頭髮唔會黏笠或厚重，亦唔會影響造型 🤍 性價比：5/5 真係平靚正之選！一支可以用好耐，已經回購咗好幾次～ 總結： Dove呢支護髮精華係懶人恩物～介乎護髮素同髮膜之間，方便快速又有效。推薦俾經常趕時間、又想保持頭髮柔順嘅你！

KDing好用推薦：用完頭髮無咁毛燥 頭髮會貼服一D 不過夏天出汗出油勁就唔太岩用 會好易貼頭皮

Heychauchau 好用推薦：因為我本身是細軟髮，用完後頭髮更塌更貼服，感覺比較適合頭髮較多/容易毛燥的人使用，不太適合我。

A&R好用推薦：#火熱新品 Dove 新出升級版，微米強韌防斷髮護髮素，效果唔錯，「仿原生蛋白」修護技術真係好勁，令我嘅頭髮變得柔順好多，仲減少咗好多斷髮。平時洗完頭都甩一大拃頭髮，洗完之後，髮絲感覺輕盈又滋潤，仲唔會扁扁地。 洗完頭之後護髮素用喺髮尾，可以深層滋養髮絲，減少開叉，少咗斷髮。味道又好香，減少頭油味道。性價比高，推薦俾所有想改善頭髮質素嘅朋友！

Kura好用推薦：質地偏厚實嘅護髮素，似髮膜咁滋潤，用完頭髮超柔順，味道好好聞，一支超大支，可以用到好多個月，cp值高，係值得一試嘅護髮素 #護髮 @cosme

葉子🍃好用推薦：有香味，白色cream狀，呢款係輕潤保濕，我需要更滋潤，所以不太合適

Milo101好用推薦：🌟懶人必備一分鐘護膚素，好方便，過完水頭髮變得潤滑 🌟性價比高，適合日常使用

TY好用推薦：質地好稀，冇乜包住頭髮嘅感覺。因為用同系列洗頭水，有時 set 裝特價就一齊買。 用埋同系列嘅洗頭水，用咗一排覺得去水糟啲頭髮少咗，頭頂都少咗毛毛，感覺頭髮冇之前咁易斷。

羅小白好用推薦：使用方法同普通護髮素一樣，用完之後頭髮好順滑，唔會有黐立立嘅感覺，而且成日唔會話點樣出油，順滑得嚟又好輕盈嘅感覺。

Circlecyy20好用推薦：普通的護髮素 比起說明增加強韌度沒有特別效果 滋潤度一般 用後順滑

jaye好用推薦：dove都係同我唔夾，用完洗完吹乾頭髮係好順，個下都好滑，但都好會好快笠，同埋並未覺頭髮強韌左，唔岩用。

Maggieyt好用推薦：有時洗完頭貪方便直接skip左用護髮素，就用呢支護膚精華，仲要一分鐘就搞掂沖得水，同有時唔記得用髮尾油，用呢支都夠哂，用完好順滑