Dove 多芬

深層修護一分鐘護髮精華

Dove這支護髮膜，相信非常多人用過，不只便宜大枝，而且還很好用。  Dove的這支護髮膜算是我經常回購的產品之一，如果我有時間的話會搽上頭髮1至2分鐘左右沖走，但沒有時間的話亦會用它來當護髮素使用。  佢嘅質地唔算杰身，非常容易推開，上頭髮輕輕按摩後我就會等一兩分鐘左右就沖水，沖完嗰陣仲會覺得頭髮有少少滑身同順服，但效果唔算好持久。 呢一支我通常會春天同夏天使用，秋冬嘅話可能唔夠力，但大多數我都會當做護髮素使用，可以有修護效果亦唔會太立。最重要係佢價錢非常平，而且份量足夠多，所以我已經多次回購了。 對我來說，佢係介乎護髮素同髮膜中間。我就睇自己時間多少決定點樣用。由於佢使用時間比較短，所以好適合繁忙嘅都市人，推薦想短時間護髮嘅人。👍🏻

特價$30/2 枝😍每次吱勁多都唔心痛dove 護髮精華！ 佢嘅質地輕盈易推，我通常洗頭後搽勻髮尾，輕輕按摩等一分鐘就沖水，超級適合趕時間嘅日常～ 🤍 柔順效果：4/5 沖水即刻感受到頭髮變滑，梳開時冇咁打結，毛躁有明顯改善～ 🤍 持久度：3/5 柔順感唔算好持久，大概維持到半日 🤍 使用感：4.5/5 用完頭髮唔會黏笠或厚重，亦唔會影響造型 🤍 性價比：5/5 真係平靚正之選！一支可以用好耐，已經回購咗好幾次～ 總結： Dove呢支護髮精華係懶人恩物～介乎護髮素同髮膜之間，方便快速又有效。推薦俾經常趕時間、又想保持頭髮柔順嘅你！

Dove 深層修護一分鐘護髮精華，質地介乎護髮與treatment之間，不過對我個髮質來講，真係唔太啱。用完之後感覺好油膩，頭髮反而冇感覺到有咩特別順滑，修護效果方面更係完全冇感受到。 我每次用都要用好多份量，成支用得好快，每次唧出嚟好多。沖完水之後，頭髮同平時冇用過咩特別嘅感覺。有輕微修護感覺，但撫平毛燥嘅效果都冇，順滑感非常一般。不過，價錢真係超級平，有時仲可以加十蚊換購💕

質地係好厚實嘅cream，呢款護髮精華唔啱我嘅髮質用，用完感覺非常油，頭髮唔會覺得有任何順滑感，亦都冇修護到我嘅髮質 @cosme

一分鐘焗油黎講算係幾好用，我喺買一送一時買，平均都算平，用完頭髮幾柔軟順滑，勁易梳，髮質仲改善左，仲勁香

呢款比起橙色會潤d,都係白色膏狀，有香味，未夠底層滋潤，使用時能減少毛燥同夠順滑身，但係屬於短期，但佢夠平夠大支，如果唔需要太潤，當護髮素用都不錯

呢款同金色都係我屋企長期回購既 呢款就咩髮質都okay 用完頭髮好順滑， 又唔使特別搵野包住頭髮等好耐 日日都用得，我直接當護髮素用🤫

因為我頭髮本身乾底所以成日要用護髮焗油，呢支岩哂懶人或者要快既人，分多少少過一分鐘頭髮就好潤仲有陣香味

呢一支護髮精華，我完全當係護髮素咁用，大大支，又唔貴，用喺耳仔下面對下嘅頭髮，用完之後頭髮好順滑冇毛燥，好好用