mamayi好用推薦：再次多謝cosme挑選我係今次: Dove光澤修護洗髮乳嘅試用用家～🙇🏻‍♀️ 一到炎夏，頭皮易出油，加上時晴時雨，前額嘅頭髮成日變咗Barcode頭🥲 今次用完呢款洗頭水，覺得嚟緊天氣都一定要用佢，佢將我本身第二朝瞓醒就油淋淋嘅頭髮，可以keep住清爽，唔洗瞓醒第二朝再洗多次頭。 佢顏色好靚係呈粉紅色又透明咁，如下圖好易起泡，如下圖佢潔淨力唔會過強，攪到用完有種唔順滑嘅感覺，令我朝早節省出門時間，唔洗再預時間洗頭出門～ 之前瞓醒就頭髮出油要洗頭出門，如下圖試用接近兩星期後，髮質變得有光澤，減少打結，梳頭感受到滑溜無比，如下圖

wingche好用推薦：春夏季必備嘅洗頭水！ 我嘅頭髮係髮尾乾旱，但春夏季頭皮容易出油，所以買頭髮產品都係一種煩惱，太滋潤怕用到頭皮夏天易出頭瘡，未到lunch，頭皮已經油到可以煎蛋🍳！ 正當煩惱之際，收到Dove嘅試用「光澤修護洗髮乳」，用完之後，估唔到變化會大到，同事以為我剪完頭髮，以下落嚟等我講下短短用咗5日左右嘅變化啦。一泵出嚟，係透明gel咁嘅洗頭水，氣味清新，唔會太濃烈；泡沫唔算好誇張好豐盈，但洗完頭髮有種好清爽嘅感覺，但又唔係過份潔淨令髮絲乾旱打click！ 之前用緊嘅洗頭水，第二日lunch，前額嘅髮絲就開始油淋淋，變得扁塌冇力，但用咗佢，呢種清爽感覺可以維持一整天，最重要佢價錢大眾化！ 最神奇用咗一星期左右，同事問我係咪剪咗頭髮，我話冇呀，點解咁問。 佢話覺得我嘅頭髮順滑貼服咗！ 我自己都諗住再回購！ 用之前，頭髮毛燥，容易出油： 用完一星期，頭髮有光澤，變得順滑貼服：

Pinkberry好用推薦：感謝@cosme提供試用。由於經常染髮關係，我的頭髮毛燥及開叉情況嚴重， 在最近非常乾燥的日子， 使用Dove 深層修護洗髮乳， 洗髮後頭髮順滑易打理， 持續用了數天， 感受到頭髮好像飲了水一樣， 增添了水潤感。 有品牌的signature味道， 乳液狀質地，少少水便能起很多泡， 洗髮後感受到頭髮非常柔軟及保濕，不會令髮絲有負擔。 當中角蛋白修護因子及強效保濕因子，能修護頭髮受損毛鱗片，深入滲透髮芯，持續補充流失的養份。 洗髮後，我還喜歡添加 Dove 胜肽修護髮膜，相信持續使用，可令頭髮變得更加強韌健康， 值得推薦的洗髮及護髮產品。

SUM好用推薦：多謝@cosme送嘅Dove嘅護髮洗鬆套裝，包括有一盒一分鐘胜肽修護髮膜260g同埋一枝深層修護洗髮乳680mL，一攞上手兩件產品都好重手，洗頭水都比較大枝，感覺可以同好耐。本身個人頭髮都比較長，差唔多到腰，所以之前一直有頭髮打結嘅情況，成日都要梳好耐先梳得順，而且又好容易因打結而梳斷髮，所以都好期待使用呢兩個產品。 首先使用洗頭水，即使我頭髮偏長，每次只需唧一泵就好夠泡，泡泡好足夠沾滿全頭髮絲，當洗完頭後，頭髮明顯摸上去滑左，而且用嘅時候味道好香，估唔到洗完頭去到第二朝都仲keep到陣香味！ 令我更驚喜嘅係一分鐘胜肽髮膜，用之前就已經俾產品嘅護髮成份吸引到，有胜肽、氨基酸、透明質酸同100倍濃度嘅海藻糖。每次用少量髮膜塗係髮中髮尾嘅部份，只需要等一分鐘就可以沖洗，就算經常洗頭嘅人用都唔好覺得麻煩，唔需要等太長時間！當沖洗髮膜後我十分滿意同驚喜，一路同水沖，一路用手梳已經可以梳開曬啲頭髮，完全冇打結，同埋超順滑。 總結兩件產品一齊用之下使用感十分好，加上價錢唔貴，份量又大，性價比很高，值得回購！

PYLau好用推薦：多謝@cosme今次活動抽中我試用。 今次試用Dove嘅一分鐘胜肽修護髮膜同埋 髮源強韌防斷髮洗髮乳。（產品運送時有啲損壞）首先用咗洗髮乳洗頭先，都係一貫Dove嘅招牌香味，好易起泡泡，沖洗完覺得頭髮質地柔順，撫平咗我受損開叉嘅尾髮。 接住再用小金碗。入面嘅成份有珍貴嘅修護成分：胜肽、氨基酸、透明質酸、100倍濃度海藻糖。 一分鐘就能夠修護到受損髮質、強韌防斷、滋潤柔順、水潤保濕。啱晒我哋啲咁忙嘅香港人。 持續用後髮尾好明顯有被滋潤，改善到我嘅毛燥、有效減少髮尾嘅開叉。

applepie好用推薦：多謝 @cosme 抽中我試用髮源強韌防斷髮洗髮乳，配合Dove胜肽修護髮膜同時使水😊～有點可惜的是洗髮乳樽蓋鬆開了，包裹袋裡面有好多洗髮乳… Dove髮源強韌防斷髮洗髮乳有著Dove一貫的香味，香味芳香持久，而且香味能夠keep到一整天！連平日出完街返屋企必定會出現嘅頭臭味都遮得到🤭 洗髮乳好易起泡，過水後仍然keep到順滑得嚟有彈性嘅感覺，吹頭後見到比起平日減少左毛燥👍🏻使用後第二朝頭髮都唔會覺得油膩或扁塌～ 性價比高，相信用完會回購，會推薦俾朋友🥰

CC1997好用推薦：多謝cosme今次抽中我試用Dove嘅洗頭水同埋小金碗 先講下試用左14日嘅感覺： 我先用紫色呢枝洗頭，佢擠出嚟嘅時候比較似gel狀，但整落濕左嘅頭髮到就會開始起泡，然後好神奇地d頭髮就會越捽越滑，過左水之後feel到頭髮已經滑左！但頭皮都唔會有未洗乾嘅感覺。 洗完頭之後我就用小金碗嚟代替護髮素，搽上濕髮等一分鐘之後過水洗走佢，就會feel到頭髮好柔順，幾乎無打結，好似去salon做左treatment咁，好容易梳開。 效果方面： 我本身係油性頭皮，前一晚洗頭嘅話，夏天嘅時候去到傍晚時分頭皮位置已經會出曬油見到黏笠。所以頭皮位置我一向都用Head n Shoulder去控油。另外，因為我一年都去整兩三次頭髮，每次都有漂/染，所以頭髮偏乾旱，同容易打結。原本頭皮以外位置，因為我好怕洗走洗頭水之後d頭髮打曬結嘅感覺，所以平時我用開Moist Diane白色個隻洗頭水洗髮絲，希望做到用護髮素前頭髮都梳得開，本來以為用Moist Diane髮絲已經算好柔順，但試用左Dove更加覺得驚艷！除左見到我頭皮到傍晚比之前睇起嚟無咁黏笠，沖走洗頭水嘅時候，d頭髮亦比較順滑，頭髮吹乾之後亦都營造到蓬鬆

Christy好用推薦：發質：偏油性，習慣每天洗頭，有漂染習慣 試用期：兩個星期 心得：第一次用了這個洗髮水覺得驚訝，真的有感覺到頭髮更蓬鬆了，以前有用過Dove的其他洗髮水，感覺還是會出油，但這個進步了。 它擠出來是基本透明的液體，但一揉就起軟綿綿的泡沫🫧，還有香香的氣味🌸 ，朋友都說頭髮香噴噴的，但味道又不會太濃。 誠心推薦給頭髮容易油，或者有漂染過的受損髮質，用了真的又看到比其他洗髮水不一樣的地方。 唯一一點就是還不確定它的強韌效果如何，感覺不太出來頭髮在強韌度上的變化，但總體來說性價比和功效都值得回購，推薦推薦！ 清潔力：⭐️⭐️⭐️⭐️ 蓬鬆度：⭐️⭐️⭐️⭐️⭐️ 補水效果：⭐️⭐️⭐️ 強韌度：⭐️⭐️

Karman28好用推薦：間唔中會轉下用dove 既洗頭水，覺得都唔錯，起碼用完唔會多左頭皮，又唔會頭皮瘋狂出油，又唔係好貴。

維他他好用推薦：曾經有剪頭髮的師傅同我講過，揀洗頭水最緊要都係保濕，同面部皮膚一樣，所以我都傾向選擇保濕的洗頭水，呢一隻洗頭水可以充分幫頭髮保濕，用完之後唔會好乾，冇乜天線飛出嚟

wintonggg好用推薦：普普通通，因為我係油性髮質，比較多頭皮，用起來just不失不過，清洗效力OK，但係過一日又會好多頭皮

Circlecyy20好用推薦：平價嘅洗髮露效果正常 洗後頭皮不會黏笠 能夠做到一般嘅效果 不過不失

Verna好用推薦：這款洗頭水是白色的，質感有點稠厚，就和普通洗頭水差不多 所以第一次用它時，也有點擔心洗完頭髮後，頭髮會不夠清爽，甚至黏笠 但效果也不錯呢！洗完頭髮後，第二天也感覺頭髮很清爽，但又不會很乾，而且頭頂髮絲還有點蓬鬆（這也可算是意外收獲😝）

KDing好用推薦：用完頭髮會無咁笠 都幾清爽 都係有dove一貫既香氣 正正常常既洗頭水

Hamiii好用推薦：Dove既沖涼洗頭系列都係我不停會回購既產品，因為cp值太高！ 官方對呢款產品既介紹： 日本熱賣 輕の保濕髮 Moisture + Oxygen： 配方添加獨特Oxy-fusion「輕氧因子」，可撫平髮絲、令秀髮輕盈順滑、富有空氣感； 高科技揉合Oxygen atom於輕氧因子中，配方幫助秀髮凝聚水分保濕； 透明洗髮乳，清爽洗出健康秀髮！ 清新優雅花果香！油，賦予秀髮絲般柔順潤澤感，並由髮芯締造極致絲滑柔亮秀髮。 用後呢…. 順滑感係做到既👍🏻 但空氣感… 可能本身頭髮幼細.. 就唔太體驗到 水份保濕 呢一part都算做得唔錯，洗完未落護髮素都覺得唔乾既 花果香.. 我就覺得比較唔似 比較似糖果味😅 但整體黎講cp值相當唔錯嫁👍🏻

羅小白好用推薦：本身有浸好香嘅西柚味，洗完頭之後都feel到呢隻洗頭水洗得乾淨之餘，仲要個頭摸落去好清爽，係一種好輕盈嘅感覺，用完之後第二日個頭都冇咁多頭油

Viviccs好用推薦：一般清潔洗頭皮頭髮，CP值幾高的。 不過並沒有太多功效， 例如 蓬鬆一啲 (對於改善頭髮扁塌無幫助)

Tracy好用推薦：用開呢個牌子其他款洗頭水，冇貨所以買咗呢款，唔覺得啲頭髮有直順到

Domo&Tinky好用推薦：多謝 @at_cosmehk @cosmestorehk 邀請試用 @dove 強人防掉髮洗髮乳+ Dove 1分鐘胜肽修護髮膜 用洗頭水我第一樣就係睇成份，然後佢有我最介意既「矽靈」。我頭髮幼，好絲易打結，乾，毛臊，所以都會個頭好塌。所以太厚重嘅洗頭水都唔敢用。還好呢隻洗頭水冇太多水唔乾淨嘅感覺，但可能時間短亦都體驗唔到掉髮嘅效果。 配合髮膜一齊用，頭髮明顯減少毛燥，髮膜也容易沖洗、感覺唔錯，滿意。

Yoyo Sin好用推薦：感謝 @cosme邀請髮源強韌防斷髮洗髮乳🥹超級適合長頭髮女士！十分建議吹完頭成地頭髮既人士試下🫣絕對會有驚人既效果 本人以前一吹完頭一定要拎個吸麈機吸走一大堆頭髮 試用左3-4日之後洗完頭明顯無甩咁多頭髮 起嘛甩少左一半😱 而且梳頭髮時明顯感覺到頭髮健康左無咁易斷 亦都無咁毛糙 😯