ESTEE LAUDER 好用推薦產品

布吶吶好用推薦：今次同大家試吓呢支風超大嘅 Estee Lauder持久水凝亮澤修護粉底液，聽個名都知佢野心好大啦——又要持久、又要水凝、又要亮澤、又要修護！係咪真係咁神奇？等我話你知～ ✨ 第一印象：包裝高級，泵頭好評！ 支嘢拎上手幾有份量，玻璃瓶+金蓋，擺上妝枱都覺得自己好似貴婦。最正係有個泵頭！衛生又易控制份量，唔會一時失手倒到成手都係～加分！ 💦 質地：果然「水凝」無呃人！ 擠出嚟係流動性幾強嘅乳液狀，推開好似絲綢咁滑溜～一掂到皮膚就覺得「咦？幾水潤喎！」完全唔厚身，無嗰種「戴面具」嘅感覺。乾肌姊妹應該會鍾意！ 🧏‍♀️ 上妝效果：自帶「溫柔光環」 上完一層，個膚質即刻升levellll～ 唔係啞光，唔係油光，係種好自然嘅「皮膚自己透出嚟」嘅光澤感！好似飲飽水咁，睇落精神咗，但又唔會變「燈塔」～ 遮瑕度中等，淺色雀斑、暗沉可以修到七八成，如果嚴重瑕疵可能要加少少concealer。 ⏰ 持久度：朝九晚六無甩色？ 我朝早化好妝，無用primer、無set碎粉（專登測試！），到中午T位有少少出油，但唔係溶妝嗰種，反而變咗「奶油肌」feel～ 到下晝4點幾，光澤感依然keep到，只係鼻翼

tangym0704好用推薦：一直用開 Estee Lauder Futurist 持久水凝亮澤修護粉底 SPF20，質地水潤好推，1N1 色號啱晒我亞洲黃調肌，遮輕微紅腫暗沉都自然。秋冬冷乾天氣特別岩，保濕力 OK，香港上班潮濕環境都頂得住。 持久度嚟講，朝早化好妝，無 primer 無碎粉，中午 T 字位微油但變奶油肌 feel，下晝 4 點光澤仲有，鼻翼稍 小小卡粉，日常約會夠用。差唔多日日用都無敏感無痘痘，同埋卸妝後皮膚唔乾。 岩曬乾肌同混合肌用～

Poyobb好用推薦：Dw持久無瑕霧光氣墊粉底 2c0 （Estee Lauder 白金系列都係用2c0) 附有一個替換裝及一個氣墊粉撲 點解會買？💕 一直都知道DW既粉底液出名持妝，試過上面太乾， 更新過唔同版本亦無太大分別，因此卻步。但新出既持久無瑕霧光氣墊粉底明顯保濕度大大提升，因為買黎試 使用感💕 本人混乾肌，少少痘印，黃一白 岩岩開始1月既日子，香港天氣得十二、三度，妝感明顯，感覺浮粉😅 放咗個幾月大概4，5月既日子，再用時温度上升返二十幾、三十度，今次用保濕型base打底就更適合了。我逐少逐少上面用氣墊粉撲上面，霧面得黎帶點微光，妝感係幾靚，而且無再浮粉了。另外大半日都keep到，持妝幾好，而且無斑駁。 效果💕 遮瑕度中上，大部分紅印暗啞都遮到。 六小時後，個人問題主要都係暗瘡印死皮只係少少浮出嚟，但可接受，全個妝容大致上無點甩👍🏻 乾燥天氣唔洗上碎粉，cushion 持妝力都夠，唔用碎粉膚質更靚。 建議💕 如果真係怕溶妝/全日戶外活動，建議係base後， 氣墊粉底前噴一噴setting spray，全個妝last得更耐。但如果全日係冷氣室內無咁既需要。 另外屬於霧面快乾型氣墊粉底，

Tszki好用推薦：Estée Lauder 粉持久無瑕霧光氣墊粉底 SPF 45/PA+++ (Double Wear Soft Glow Matte Cushion Makeup) 提供立體、柔焦的霧光妝感，輕透且不顯厚重。具備 24 小時持妝效果，抗汗防水，適合油性及混合性肌膚，尤其在濕熱天氣表現良好。提供 SPF 45/PA+++ 高效防曬，並添加玻尿酸和甘油等成分，提供 12 小時保濕效果。妝力佳、遮瑕度中高，但長時間佩戴口罩後可能出現浮粉現象。

choco好用推薦：Sogo thankful week 購買粉底送的 對比粉底液持妝度較差 但適合出外補妝使用

choichoi好用推薦：不花巧很實在的一款氣墊粉底，為何出此言？因為它不論四季都適合使用，雖然身為氣墊粉底成員但出來的妝感透薄但又有足的遮瑕度，一盒完妝方便忙碌女性，壓根兒不需再額外定妝也持久整天，怎能不愛

Soda soda好用推薦：想搵遮瑕度比較高嘅粉底液，所以選擇咗佢 遮瑕度好夠，冬天我只係會用喺T字位，混合肌兩邊面乾，所以兩邊面係用唔到，除非用啲潤嘅cream打底 夏天用就可以用曬全面，修飾毛孔嘅能力唔錯

zetalhc好用推薦：唔卡粉，好控油，好適合混合/油肌係香港呢d天氣潮濕嘅地方使用。但係遮瑕力稍微不夠，尤其係眼袋位置，搽完會灰左少少。overall好貼服，個人覺得用定妝噴霧會好過用蜜粉

Poyobb好用推薦：Estée Lauder新出嘅Double wear foundation。 上一代本身都有試過，感覺唔太好，上面好乾燥。新一代嘅質地改咗，變到好流質絲滑，而且好薄身。而且拍上面都唔需要好快，正常速度就可以了。佢嘅持久度的確真係唔錯，全日個妝冇補妝都好靚，而且可以用返基本嘅保濕base作為打底就冇咁乾。 因為皮膚冇太大瑕疵，遮瑕度都算足夠，整體係更清透自然既妝效，日常返工都用到。 Dw 粉底液最好嘅地方就係有cool tone 、warm tone、natural tone 。而且佢嘅色調仲有分好多Number，我用1n1好啱我嘅膚色。好少粉底液會做到咁細緻嘅顏色。 #火熱新品

Jasmine L好用推薦：專門店贈送嘅試用， Estée Lauder Double Wear粉底遮瑕度高、保濕力強、色號多，能夠照顧各種膚色女士。 不過我鍾意日系透薄妝感，呢款粉底適合比較鍾意歐美無暇妝感嘅女士使用。

Wuxx好用推薦：又係新玩具系列！！ 呢個品牌嘅粉底液好出名我知道， 但估唔到我入手嘅竟然唔係佢大名鼎鼎嘅粉底液，而係佢嘅氣墊粉餅😂 偶然見到YouTuber分享呢個氣墊粉餅， 覺得佢個海綿設計同另一個品牌有異曲同工之妙， 所以就抱住好奇/希望佢會好好發揮到夾心海綿嘅設計~ 果然佢嘅粉底液出名唔係無原因！ 首先佢嘅取粉係幾有安全感， 圓拱形設計唔會好似平面海綿咁易有外圈溢出情況， 唔會整污糟之餘仲可以將新鮮嘅粉底保留喺夾心裏面， 依個設計概念真係不錯。 佢上面之後呈現係高遮瑕度嘅霧面妝感， 但唔會話好重粉感，妝感好高級👍🏻 帶妝約10小時後並無發現暗沉情況， 不過時間拉長對我混合性偏乾肌黎講有少少乾🤏🏻 可能要等到夏天先岩用，但秋冬季油肌應該無問題。**粉撲形狀有心思，配合特別嘅夾心海綿設計

Fongfong好用推薦：非常貼服自然 容易推開顏色跟肌一致 而且有防哂遮瑕美效 質感非常幼，細一支能夠做到乾濕兩用

Kitty 好用推薦：【真心分享】Estée Lauder Double Wear 粉底液：油皮嘅“鐵打江山”！ 講真，我係油皮，尤其係夏季，個面真係可以油到煎蛋！試過無數粉底，唔係未夠晏就溶咗一達達，就係遮瑕力唔夠，塊面啲瑕疵（暗瘡印啊、毛孔啊）原形畢露。直到俾朋友推坑試咗呢支Estée Lauder Double Wear (DW) 粉底液，真係有種終於搵到你喇嘅感覺！ 先講佢嘅勁正優點： 1. 極貼膚，持久力超班！ 呢個絕對係佢嘅皇牌賣點！大夏天朝早9點上妝，落街食lunch、返工對住電腦、放工仲要同朋友打邊爐（仲要係麻辣鍋！）... 到夜晚10點返到屋企照鏡，個妝仲喺度！冇誇張，真係冇乜點溶妝，冇浮粉，冇變地圖臉。T位係有少少油光，但係係好自然嘅光澤感，唔係油淋淋嗰隻，用紙巾印一印，個妝仲係好完整。對我呢啲油皮嚟講，呢種持久力簡直係救星！ 2. 遮瑕力強到冇朋友！ 我塊面有啲陳年暗瘡印同毛孔，平時要用遮瑕膏先搞得掂。但用 DW 呢，薄薄一層已經遮到7、8成！如果你有啲好深色嘅印或者好大粒嘅暗瘡，可能都要加少少遮瑕，但整體嚟講，佢嘅遮瑕力真係數一數二咁勁，出街完全夠用，塊面即刻乾淨勻稱好多。