SHISEIDO 資生堂 好用推薦產品

Desse好用推薦：用過小黑瓶，小棕瓶，又試吓小紅瓶🤭 資生堂Ultimune小紅瓶精華 主打免疫細胞激活，專攻細紋、暗沉同疲勞肌，適合25+歲所有膚質 成分方面：專利山茶花活酵萃取（3.4倍再生力）+酵母精華抗氧化修復、深層滲透激活膠原，減少水份流失+33%、彈性提升+25%，冇酒精刺激 質地輕薄，一整包推開即化吸收超快，冇黏膩感（正裝大約用兩泵） 早晚潔面後用，配合乳霜鎖水 用後即時水潤有光澤，2週內細紋淺咗、膚色均勻亮咗，熬夜或轉季用唔錯🙂 🥸留意位 冬天用唔夠力，轉季用就好😎

lonia好用推薦：到咗三十幾歲，一啲初老嘅肌膚問題開始慢慢浮現。乾紋、細紋、皮膚彈性變差……之前品牌活動試用過ULTIMUNE皇牌全盛精華，覺得效果幾理想，所以就入手咗一支。 佢一支精華就已經做到多重效果，將精華擠落手心，精華比較杰身，但其實好容易推開，皮膚亦好快吸收。佢有一陣感覺舒服，令人放鬆嘅微香，搽上面就即時感受到佢嘅保濕功效，有水潤嘅感覺，第二朝起身發現皮膚多咗一份光澤感。 而令我覺得最驚喜嘅，就係肌膚免疫力得到改善。以前皮膚有時會泛紅，出現敏感痕癢。用咗呢支精華一排，皮膚狀況穩定咗，冇咁容易出現敏感泛紅，而且皮膚狀態都細緻咗、彈潤咗。每日keep住用呢支Shiseido皇牌精華，細紋、乾紋呢啲難搞嘅問題都慢慢得到改善，值得推介～

Kitty 好用推薦：近排天氣又凍又乾，轉季底妝真係好頭痛🥶 本身係混合偏乾肌，用開嗰啲粉底液一上臉就顯紋、浮粉，仲要兩個鐘後變面具面… 但！最近試咗資生堂呢款養膚修護粉底，真心想寫篇文表揚佢！ 🔸質地＆延展性： 一按出嚟勁易推開～ 似乳液嘅質地，用手指上已經好易推匀，唔使化妝掃都掂！乾肌上臉完全唔厚粉，似第二層皮膚咁貼薄。 🔸妝感： 係嗰種日系天然光澤肌✨ 唔係閃粉嗰種假光，而係皮膚本身飲飽水嘅透亮感。乾肌最怕卡粉，呢款喺鼻翼、眼下完全冇積線，連平時甩皮嘅下巴位都馴服到！ 🔸遮瑕度： 屬於中等遮瑕～ 萬年黑眼圈疊兩層遮到五成，泛紅、暗瘡印加層碎粉都隱形到。最驚喜係佢遮瑕得嚟唔厚重，唔會一撻撻。 🔸持久度： 朝早8點化妝，到下午2-3點妝容仍然健在，對持久度要求高嘅話一定要定妝！到放工前成塊面冇暗沉變灰，越夜越靚嗰種奶油肌效果💯 🔸適合邊類人？ ✅乾肌、混合偏乾必試 ✅鍾意光澤感、自然妝效 ✅追求貼服唔卡粉 ❌大油肌可能要諗諗，或者冬天先用 小總結： 雖然價錢比開架貴少少，但以質素嚟講絕對對得住個價！尤其係乾肌sis，呢個冬天真係要靠佢救返塊面～

Anson好用推薦：終於搵到最岩我用嘅粉底！本人食完A酸療程之後係今年嘅6月開始化妝，原來療程後已經變左混乾肌都懵然不知，買左啲霧面妝效嘅持妝粉底，結果唔到5個鐘係冷氣房下，個下爬同唇邊已經大乾裂。決定由持妝霧面粉底鬼轉到光澤型粉底，選擇左愛用嘅護膚品牌shiseido🥰 呢支粉底流動性強，專櫃員工話可以用手上妝，亦都的而且確用手上都ok，唔會有粉痕/一撻撻。遮瑕度唔算好勁，如果想妝感好無瑕要用遮瑕膏，輕輕上一層蜜粉定妝，水亮嘅感覺都仲係咁靚！ 下圖係某日持妝六個鐘後，中間時間都係出街行黎行去，中途有壓過T位油，妝感依然令我滿意，如果係日常返工係冷氣房更加冇問題！ 真係超級推呢一隻粉底，會有人主動讚我皮膚好！推薦俾瑕疵不多嘅乾肌/混乾/混油肌（配合唔同控油力度嘅蜜粉），想要自然透亮妝感嘅人用，同乾裂say bye bye🤣🤣🤣

Lumi Kwan好用推薦：Shiseido美白產品來講，喺日本都相當出名，所以佢嘅美白產品長賣長有，以前讀大學嘅時候我甚至乎係全個美白系列咁用。而家我會選擇性去用唔同品牌嘅產品，但依然有用SHISEIDO嘅美白面膜。但我個人認為，單靠美白面膜唔可以做到美白作用，必定要用足夠嘅防曬產品，先可以抵抗黑色素。我會建議每星期至少用一次，連續用六片作為一個療程，會覺得皮膚真係白淨咗少少。官網話”撕除面膜時，黑色素亦隨之清除，肌膚重現明亮均勻膚色。 “，我唔太敢肯定。 呢款片裝面膜感覺比普通韓牌面膜厚。敷上面部後都幾貼面，唯獨係個下巴，我覺得mask可以再大少少。

Kpl6be6好用推薦：呢個品牌嘅美白産品出哂名有效果～感覺精華滲透肌膚～用後補濕度十足～膚色亦明顯亮白咗～

Sandy好用推薦： 資生堂（SHISEIDO）的「VITAL PERFECTION White Revitalizing Emulsion Enriched」， 這是一款美白抗紋滋潤乳液。  功效 : 改善衰老跡象，例如黑斑、膚色不均、鬆弛和深層皺紋。  質地 :提供豐富持久的水分，使肌膚深層有彈性，觸感光滑，質地滋潤但不黏膩。  特別推薦給40歲以的成熟肌膚。  早晚潔面及柔膚後 薄薄搽一搽喺皮膚上面 係我50歲仍然看落去好像40多歲嘅秘密武器 價錢貴一點都值得買

poonpoon好用推薦：Shiseido悅薇水乳，有清爽版同滋潤版，我用嘅係滋潤版。依款水乳有抗老功能型嘅成份。 雖然係滋潤型，但對我嚟講水感都幾舒服，用後皮膚有彈性，吸收快無負擔。唔會有特別大嘅抗老美白效果，一直用皮膚都處於穩定狀態，光澤水潤。 乳液一啲都唔厚身吸收快唔黏立，用完皮膚保濕有彈性。適合只係想簡單護膚人士。

Becca好用推薦：之前買其他Shiseido product 送左幾包sample, 用完覺得唔錯就買左正貨。粉紅色罐，加淡粉紅色面霜，好少女心😂 目前用左兩星期，覺得保濕效果幾好，就算開冷氣都唔會覺得乾，質地輕盈，有淡淡嘅香味，上面唔笠易推，快吸收，就算用多左都唔覺得油，推開後皮膚有光澤 美白效果暫時未見到，但我本身並唔係特別為美白效果而買，只係覺得質地ok ，用上面感覺舒適唔會太油，夏天用好適合，如果有埋美白效果就係bonus 了。

Mimi好用推薦：一到夏天就會特別注重美白產品～依隻美白啫喱cream好香，吸收快,保濕效果正常，美白效果就麻麻地。

Yin_sharing好用推薦：較為滋潤，用完膚色有少許提亮，但我覺得唔多keep到妝容，反而太潤，過咗半日連粉底妝都浮起晒。要真係好乾皮膚用先ok，或者要用好少好薄好薄一層先好啲。

Yan好用推薦：每日用，一支都可以用好耐，所以其實都幾抵用。 我會直接將佢溝隔離霜，少少遮瑕，然後用化妝蛋上妝。因為佢本身都有調色效果，搽完塊面會白咗一度，所以如果再加粉底會好厚妝。相反，我淨係搽佢加少少遮瑕，上妝效果更加透亮同自然。 質地方面，佢都算幾水潤，淨係搽佢唔會有浮妝問題，之後再加上遮瑕都唔會太kick。我覺得佢都幾適合好乾嘅皮膚用！

Kpl6be6好用推薦：鍾意其香味～感覺氣味有高級感～質地細緻易滲透～用後感覺膚色有更均勻～

維他他好用推薦：有淡淡香味，用完膚色均勻左，白淨左少少，精華質地柔滑，易推開，易吸收，不太笠，但價錢不便宜

JL好用推薦：這枝全效美白抗紋精華素絕對值得投資！其實保濕、美白、抗皺是很對立的，所以市面上的產品都會針對其中一種功效，但Shiseido這枝精華卻能做到美白＋抗皺！我曾在其他品牌專櫃測皮膚，肌膚彈性永遠都超過90分，我覺得是這枝精華的功勞！預防永遠比修復容易，所以選擇適合自己的護膚品十分重要！

BwTw好用推薦：呢枝係Shiseido當中係貴line，粉紅色packing果條line係主打美白，呢條line係有埋Anti-aging. 呢枝質地比較似乳液，比較杰身，但都容易吸收，唔會笠痴痴。 美白效果都幾好，有白到，但唔係好Amazing果啲，同埋用咗皮膚會軟熟咗🤣不過小貴，暫時唔考慮回購

格仔餅公主好用推薦：係我數一數二覺得有美白效果嘅美白面膜，我多數會簡喺第日有重要場合先會用，佢保濕度唔算勁，但係用完之後即刻提亮同白左，臉色好好，同埋第日上妝好貼

Kura好用推薦：係我非常鍾意用嘅美白面膜，呢款美白面膜除咗價錢貴之外佢冇其他缺點

Kura好用推薦：呢一支洗臉膏需要用嘅份量唔需要太多，加少少水就可以起到好綿密嘅泡泡

lingbb好用推薦：- 第一次用shiseido由white lucent開始 - 呢個系列香味我都好鐘意 - 白色狀加水起到好多泡，過水後塊面即時提亮、毛孔收細， - 長用真係有白到，可惜已停產