SHISEIDO 資生堂 好用推薦產品

Anson好用推薦：終於搵到最岩我用嘅粉底！本人食完A酸療程之後係今年嘅6月開始化妝，原來療程後已經變左混乾肌都懵然不知，買左啲霧面妝效嘅持妝粉底，結果唔到5個鐘係冷氣房下，個下爬同唇邊已經大乾裂。決定由持妝霧面粉底鬼轉到光澤型粉底，選擇左愛用嘅護膚品牌shiseido🥰 呢支粉底流動性強，專櫃員工話可以用手上妝，亦都的而且確用手上都ok，唔會有粉痕/一撻撻。遮瑕度唔算好勁，如果想妝感好無瑕要用遮瑕膏，輕輕上一層蜜粉定妝，水亮嘅感覺都仲係咁靚！ 下圖係某日持妝六個鐘後，中間時間都係出街行黎行去，中途有壓過T位油，妝感依然令我滿意，如果係日常返工係冷氣房更加冇問題！ 真係超級推呢一隻粉底，會有人主動讚我皮膚好！推薦俾瑕疵不多嘅乾肌/混乾/混油肌（配合唔同控油力度嘅蜜粉），想要自然透亮妝感嘅人用，同乾裂say bye bye🤣🤣🤣

Elaine好用推薦：一支可以養膚嘅粉底液真係好吸引！妝感自然輕透，非常滋潤，睇落皮膚光澤好氣色，但相對遮蓋瑕疵很弱。冬天用比夏天用好，夏天用比較易甩妝，冬天比較貼服。可以用手上妝好方便。

Chloeincosme好用推薦：🤍 滋潤度：5/5！SHISEIDO呢支保濕cream質地豐潤但唔厚重，推開後瞬間感受到皮膚被滋養，尤其適合乾燥同缺水肌膚，用完即刻有種「飲飽水」嘅滿足感！ 🤍 成膜與保護：4.5/5！用完之後會形成一層薄薄嘅保護膜，鎖水能力非常好～呢層膜唔會黐笠或者悶痘，反而令皮膚感覺好安全，特別適合晚間修護使用！ 🤍 吸收與質地：4/5！雖然滋潤，但吸收速度都算快～輕輕按摩幾下就已經食入皮膚，唔會浮面或者油光滿面，第二朝起身皮膚依然保持軟滑！ 🤍 妝前適用性：3/5！由於滋潤度較高同有輕微成膜感，建議還是晚間使用為佳～日間如果用可能會同防曬或粉底有少少衝突，容易影響妝容貼服度！ 總結： 如果你係乾肌或者晚間需要深度保濕，SHISEIDO呢支保濕cream絕對係完美選擇！滋潤得嚟又唔膩，成膜感加強咗鎖水效果，令皮膚可以安心修復～已經成為我晚間護理嘅固定成員，會繼續回購！推薦比追求極致滋潤同修護嘅你！

mcosmetics好用推薦：喺shiseido買野送嘅15ml hyrating cream~ 我係偏乾肌夏天夠用，冬天就唔夠潤。質地好輕薄好容易吸收。用完皮膚會增加少少光澤，留低一層潤而不膩嘅薄膜～略嫌香味太濃，敏感肌要注意~

Chloeincosme好用推薦：用左24小時抗乾皺明眸眼霜個幾月，感覺真係好好！呢款眼霜質地非常潤滑，完全唔會出粒粒，使用時好舒服。塗上去之後，眼周肌膚即刻感覺到滋潤，特別適合我呢個30歲左右嘅年紀，可以有效改善輕度細紋同乾燥問題。 我每日早晚都會使用，用既時候輕輕按摩眼周，眼霜吸收得非常快，不會有黏膩感。朝早唔好搽太厚，基本上等一陣已經可以立即上妝。眼周肌膚明顯冇以前咁卡粉，整體效果真係令人驚喜。 而且，有d人話呢款眼霜仲有淡化黑眼圈嘅效果，不過我本身鼻敏感引起既黑眼圈就唔覺有淡化到。 總括而言，呢款24小時抗乾皺明眸眼霜真係一款性價比高、效果顯著嘅產品，非常適合想要改善眼周肌膚狀態嘅朋友！我會繼續回購！

Yty好用推薦：呢款眼霜用咗起碼四至五瓶啦，眼霜功能為滋潤肌膚，改善乾紋，預防皺紋加深，眼霜淡黃色乳液質地，早晚使用都適合，平時化妝前會用佢眼底冇咁乾，用後感覺可以改善初起嘅乾紋，價錢性價高，會回購的

Sandy好用推薦： 資生堂（SHISEIDO）的「VITAL PERFECTION White Revitalizing Emulsion Enriched」， 這是一款美白抗紋滋潤乳液。  功效 : 改善衰老跡象，例如黑斑、膚色不均、鬆弛和深層皺紋。  質地 :提供豐富持久的水分，使肌膚深層有彈性，觸感光滑，質地滋潤但不黏膩。  特別推薦給40歲以的成熟肌膚。  早晚潔面及柔膚後 薄薄搽一搽喺皮膚上面 係我50歲仍然看落去好像40多歲嘅秘密武器 價錢貴一點都值得買

poonpoon好用推薦：Shiseido悅薇水乳，有清爽版同滋潤版，我用嘅係滋潤版。依款水乳有抗老功能型嘅成份。 雖然係滋潤型，但對我嚟講水感都幾舒服，用後皮膚有彈性，吸收快無負擔。唔會有特別大嘅抗老美白效果，一直用皮膚都處於穩定狀態，光澤水潤。 乳液一啲都唔厚身吸收快唔黏立，用完皮膚保濕有彈性。適合只係想簡單護膚人士。

Kelvin好用推薦：半透明啫喱霜狀質地，推開後感覺到有好多水份，保濕度高，眼睛周圍得以舒緩。依種啫喱狀嘅質地，用無名指去按壓眼周可以減輕浮腫，但可能真係比較夜瞓，退黑眼圈感覺弱小。眼霜可以令到眼部周圍的皮膚增加彈性。即使眼霜入眼都冇刺痛感👀

Kura好用推薦：呢款眼霜對改善我嘅黑眼圈有效果，搽上眼周覺得滋潤好夠，夜晚用覺得好舒服，但價錢偏貴小小 @cosme

lkylky3003好用推薦：質感輕盈不油膩，搽上面完全唔會粘粘笠笠，可以修復強韌番肌膚屏障之餘仲長效保濕,為肌膚提升水份

jojoma123好用推薦：感覺不算太厚身的面霜、由於功效主要是保濕、故塗搽後、肌膚水嫩度及透亮度彷彿有明顯的改善、但於格外乾燥的冬天使用、鎖水力稍有不足、要配合鎖水精華一同使用.

Desse好用推薦：用過小黑瓶，小棕瓶，又試吓小紅瓶🤭 資生堂Ultimune小紅瓶精華 主打免疫細胞激活，專攻細紋、暗沉同疲勞肌，適合25+歲所有膚質 成分方面：專利山茶花活酵萃取（3.4倍再生力）+酵母精華抗氧化修復、深層滲透激活膠原，減少水份流失+33%、彈性提升+25%，冇酒精刺激 質地輕薄，一整包推開即化吸收超快，冇黏膩感（正裝大約用兩泵） 早晚潔面後用，配合乳霜鎖水 用後即時水潤有光澤，2週內細紋淺咗、膚色均勻亮咗，熬夜或轉季用唔錯🙂 🥸留意位 冬天用唔夠力，轉季用就好😎

lonia好用推薦：到咗三十幾歲，一啲初老嘅肌膚問題開始慢慢浮現。乾紋、細紋、皮膚彈性變差……之前品牌活動試用過ULTIMUNE皇牌全盛精華，覺得效果幾理想，所以就入手咗一支。 佢一支精華就已經做到多重效果，將精華擠落手心，精華比較杰身，但其實好容易推開，皮膚亦好快吸收。佢有一陣感覺舒服，令人放鬆嘅微香，搽上面就即時感受到佢嘅保濕功效，有水潤嘅感覺，第二朝起身發現皮膚多咗一份光澤感。 而令我覺得最驚喜嘅，就係肌膚免疫力得到改善。以前皮膚有時會泛紅，出現敏感痕癢。用咗呢支精華一排，皮膚狀況穩定咗，冇咁容易出現敏感泛紅，而且皮膚狀態都細緻咗、彈潤咗。每日keep住用呢支Shiseido皇牌精華，細紋、乾紋呢啲難搞嘅問題都慢慢得到改善，值得推介～

Youpi 好用推薦：之前未用過防曬棒，貪得意買來用下，官方網頁話唔黏立，可以化妝前或化妝後搽，隨時可以補，我成日化完妝都唔知點樣補防曬，於是買來試吓。 始終係膏狀，啱啱搽完都有少少立，唔油膩，係有少少光澤感。我主要搽喺手臂，因為搽上塊面感覺太厚重，同埋搽完手臂，碌上臉感覺不太衛生。同埋茶想上塊面都係會有少少脫妝同黐住頭髮，好處係完全不泛白，一啲都唔乾。最後，可能手臂範圍好大，支嘢比我想像中快用完，之後都唔會再回購了。

維他他好用推薦：熱防禦果凍防曬棒，好得意，係扭出嚟用嘅，有spf 50+嘅防曬，防水，幾方便夏天攞出嚟補茶，唔笠嘅，有少少防曬嘅味道，冇色嘅 但係防曬功效不敢肯定，因為棒嘅感覺比較流😛 都係搽防曬乳液感覺會踏實啲

choichoi好用推薦：第一次聽到豐唇霜會感覺很刺激但其實就是一支比較多功能的護唇霜,除了普通修護雙唇防治脫皮乾燥唇裂, 於使用有色唇膏前也能幫助顯色及增加持久度 , 重點讚揚淡化唇紋效果理想, 基本上帶著遠行出門或到極寒地方也準沒錯

R.Mir好用推薦：這是我用過最好效果的潤唇膏，我一直都在回購它。這支潤唇膏塗完不會甩皮，很保濕。雖然是 lip gloss 狀，但一點也不黏。 它是透明，但有神奇調色功效。

Noelle S好用推薦：質地非常順滑，223 Shizuka Red顏色濃郁，品質非常好，帶微微啡調的成熟cranberry色，淡妝要另用唇掃薄塗才能配合整體妝容。近來Shiseido出咗全新TechnoSatin緞光凝亮唇膏，期待靠櫃細心挑選。

shadow影子好用推薦：質地好似軟雪糕咁柔滑，容易塗沒在嘴上，而且筆筒幼身，形狀和嘴唇貼合，比較容易使用，無咁易出界。