Ruby Wong好用推薦：本人皮膚比較白，所以好容易有暗啞或者雀斑嘅情況出現。一直以嚟我都用好多美白產品，雪肌精以前只係用過碎粉，一直想試下用佢呢條line嘅其他產品，咁啱見到松本清有29蚊支旅行裝，就入手嚟試下啦。 先講質地，乳白色有少少杰身，但係搽上面之後又唔覺好立喎，算係清爽嘅類型，幾好。不過個人覺得相對地搽嘅量要多少少，先起到保濕嘅效果。 用咗幾晚之後明顯見到皮膚亮白咗，冇咁暗啞，所以都幾滿意。當然啦，雀斑嗰啲就冇可能淡到嘅，話曬我都唔係配合埋佢其他product黎用，所以有咁嘅效果我已經覺得好驚喜。 如果有機會我都想試埋佢其他產品，又或者需要美白嘅時候我應該第一時間會諗起佢😆

Fanc好用推薦：好多謝@cosme 抽中我試雪肌精☺️ 今次係我第一次用雪肌精呢個品牌 藥用雪肌精美白化妝水倒出黎嘅化妝水唔係透明，而係乳白色，有淡淡嘅香味，如果唔係完全接受唔到香味嘅，都會接受到呢個氣味，唔會覺得好濃好香精味咁刺鼻～ 倒出黎乳白色都係比較水狀輕型嘅質感，睇說明話要用大概5毫子大小嘅份量，拍上面之後都覺得好快吸收左，唔會停留係面上好耐先吸收到，感覺真係有補水到，做到保濕😺 連續用左成10日，係冇任何敏感不舒服嘅情況出現，係我身上今次嘅體驗我就唔太感受到短時間之內可以有美白效果，但係我見到有其他美妝kol介紹可以用黎濕敷，我都試下濕敷，當刻嘅效果好似係會比就咁用手拍上面係更大，所以我比較推薦用濕敷呢個方法用呢枝藥用雪肌精美白化妝水👍🏻 我暫時未知會唔會回購，但係第一印象都唔錯，最唔鍾意嘅一個點係設計樽口上，凸起嘅樽口位唔太好用，倒化妝水好難控制份量，易倒過多份量，又會有化妝水積聚係樽口位，我覺得可以改善一下呢個位。🙏🏻

bibubibu好用推薦：呢支防曬嘅防曬度適合日常使用 質地少少癡手 但喺面上都算容易推開 等一陣會成膜 塊面會白咗少少 感覺唔會焗住塊面 但有黏住嘅感覺 最大問題係會同其他產品起擦膠碎 用咗幾次都有呢個情況 如果妝前使用唔推介

Imelda 好用推薦：質地水潤易推不黏膩，防曬同時護膚，用普通潔面乳洗面就可以，唔駛特別卸妝，用過好多其他品牌，最後都係揀返佢

Jan好用推薦：洗面皂質地偏軟 帶有雪肌精產品一貫的香味 比起化妝水無咁重酒精味 很容易起泡而且泡泡量多又綿密 因為係有雪肌精化妝水成分製成的洗面皂 所以保濕力都唔錯 洗後毛孔有種潔淨感 零殘留 唔會偏乾或緊繃 皮膚似搽完化妝水咁柔軟而且有種透亮感 缺點就係用咗一排之後發現好容易變到好腍好易爛 始終皂類保存都係比較麻煩

Noel好用推薦：潔面皂係我會主動避開的產品，但這件意外地很喜歡💕 這件潔面皂10g，購買雪肌精組合商品而獲得❣ 使用感受良好，令我對潔面皂改觀🤗 產品米白色圓形，附有雪肌精經典香味。個人會先雙手濕水捽潔面皂幾回▶️ 放下潔面皂並沾多一些水▶️ 於手心捽出多點泡泡，塗全面。潔面皂好香，泡泡柔滑又細緻👍 使用後感到清爽潔淨，又沒有乾巴巴 / 崩緊❣ 唯一問題係官網介紹，用後可以“大大提升肌膚透明感”，個人使用後，感覺皮膚清爽，應該也有變明亮吧？！😅 潔淨 🌟🌟🌟🌟🌟🌟🌟 滋潤 🌟🌟🌟🌟🌟 清爽 🌟🌟🌟🌟🌟🌟🌟 耐用 🌟🌟🌟🌟🌟🌟 價格 🌟🌟🌟🌟🌟