Fanc好用推薦：好多謝@cosme 抽中我試雪肌精☺️ 今次係我第一次用雪肌精呢個品牌 藥用雪肌精美白化妝水倒出黎嘅化妝水唔係透明，而係乳白色，有淡淡嘅香味，如果唔係完全接受唔到香味嘅，都會接受到呢個氣味，唔會覺得好濃好香精味咁刺鼻～ 倒出黎乳白色都係比較水狀輕型嘅質感，睇說明話要用大概5毫子大小嘅份量，拍上面之後都覺得好快吸收左，唔會停留係面上好耐先吸收到，感覺真係有補水到，做到保濕😺 連續用左成10日，係冇任何敏感不舒服嘅情況出現，係我身上今次嘅體驗我就唔太感受到短時間之內可以有美白效果，但係我見到有其他美妝kol介紹可以用黎濕敷，我都試下濕敷，當刻嘅效果好似係會比就咁用手拍上面係更大，所以我比較推薦用濕敷呢個方法用呢枝藥用雪肌精美白化妝水👍🏻 我暫時未知會唔會回購，但係第一印象都唔錯，最唔鍾意嘅一個點係設計樽口上，凸起嘅樽口位唔太好用，倒化妝水好難控制份量，易倒過多份量，又會有化妝水積聚係樽口位，我覺得可以改善一下呢個位。🙏🏻

維他他好用推薦：雪肌精係好出名嘅牌子 好耐之前去日本藥妝店must buy 最近又係時候換toner喇 呢個美白化妝水有啲期待 倒出黎好水！ 一啲都唔會有笠或者痴埋嘅感覺 真係好似水咁 拍上面好快吸收哂 我會再倒再拍 拍到我覺得濕潤度滿意為止 （好奢侈 支野都唔平🥹） 咁樣一定好快俾我用哂 $520，500ml 🥹 暫時美白未見咩效果 保濕方面都還好 唔知係咪我吸得太快，真係要用幾次先夠皮 或者佢爽膚水份子好細？所以好快吸哂🤔 不知道

bibubibu好用推薦：呢支防曬嘅防曬度適合日常使用 質地少少癡手 但喺面上都算容易推開 等一陣會成膜 塊面會白咗少少 感覺唔會焗住塊面 但有黏住嘅感覺 最大問題係會同其他產品起擦膠碎 用咗幾次都有呢個情況 如果妝前使用唔推介

Imelda 好用推薦：質地水潤易推不黏膩，防曬同時護膚，用普通潔面乳洗面就可以，唔駛特別卸妝，用過好多其他品牌，最後都係揀返佢